Logo
२७ श्रावण २०७९, शुक्रबार
     Fri Aug 12 2022
E-paper
  English Edition
   Unicode
Logo

सेवानिवृत्त कर्मचारीको उपयोग गरिने



३ चैत,काठमाडौँ  । मन्त्रिपरिषद्का पूर्वअध्यक्ष खिलराज रेग्मीले अवकाशप्राप्त सेवानिवृत्त कर्मचारीलाई राज्यले सदुपयोग गर्नुपर्ने बताउनुभएको छ ।

यहाँ आज ‘पूर्वकर्मचारी सेवा परिषद्’को रजतजयन्ती समारोहमा उहाँले पूर्वकर्मचारीसँग देशको प्रशासन सञ्चालन गरेको अनुभव भएकाले देशको हितका लागि प्रयोग गर्नुपर्ने बताउनुभयो । उहाँले सरकारले अन्य मुलुकको जस्तो यहाँका सेवानिवृत्त कर्मचारीलाई काममा लगाउन नसकेको धारणा राख्नुभयो ।

कार्यक्रममा मुख्य सचिव डा सोमलाल सुवेदीले सेवानिवृत्त कर्मचारीले मुलुकको समृद्धिका लागि सहयोग पु¥याउन सक्ने भएकाले सरकारले कुनै योजना बनाई तिनको सदुपयोग गर्ने बताउनुभयो ।
लोकसेवा आयोगका अध्यक्ष उमेशप्रसाद मैनालीले अहिलेको सङ्क्रमणकालीन अवस्थामा सरकारले नीति नै ल्याएर पूर्वकर्मचारीको उपयोग गर्नुपर्ने सुझाव दिनुभयो । “संविधानले नै पूर्वकर्मचारीलाई राष्ट्रसेवकमा सहभागी गराउने व्यवस्था गरेको छ”– उहाँले भन्नुभयो, “सरकारले चाँडै नै संविधानमा उल्लेख भएको व्यवस्थालाई कार्यान्वयन गर्नुपर्दछ ।”
सामान्य प्रशासन मन्त्रालयका सचिव मोहनकृष्ण सापकोटाले पूर्वकर्मचारीको ज्ञान र सीपलाई राष्ट्रले उपयोग गर्ने वातावरण मिलाइने धारणा राख्नुभयो । “आगामी वर्षदेखि पूर्वकर्मचारीलाई कसरी उपयोग गर्न सकिन्छ भनेर अर्थ मन्त्रालयसँग बजेट माग गरेर योजना बनाउँछौँ”, उहाँले भन्नुभयो, “अहिले उहाँहरुलाई संविधान कार्यान्वयनको विज्ञका रुपमा लिनेछाँै ।” रासस


यो खबर पढेर तपाईलाई कस्तो महसुस भयो ?

काठमाडौं । नेपाल राष्ट्र बैंकले आजको नेपाली बजारमा विदेशी मुद्राको भाउ यसप्रकार तोकेको छ

काठमाडौं । प्रतिनिधिसभा र प्रदेशसभामा चुनावी तालमेल गरेर जाने सहमति गरेका दलहरुबीच सिट बाँडफाँटमा

काठमाडौं । सरकारले प्रतिनिधिसभा र प्रदेशसभाको निर्वाचन घोषणा गरेसँगै मुलुक चुनावी विषयले तात्तिएको छ

काठमाडौं । स्थानीय निर्वाचनमा जस्तै प्रदेश र प्रतिनिधिसभा चुनावमा पनि एमाले एक्लो हुने भएको