काठमाडौं । भरतपुर महानगरपालिकाको मेयरमा माओवादी केन्द्रकी उम्मेदवार रेनु दाहालले अग्रता फराकिलो बनाउँदै लगेकी छिन् । अपरान्ह ५ः३० बजेसम्मको मतपरिणामलाई हेर्दा एमालेको तर्फबाट मेयरका उम्मेदवार विजय सुवेदीले भन्दा दाहालले २ हजार बढी मत पाएकी छिन् ।
दाहालले ११ हजार ४७ मत पाएकी छिन् भने सुवेदीले ९ हजार ५६ मत पाएका छन् । यसअघि दाहाल र सुवेदीबीच निकै कडा प्रतिस्पर्धा देखिएको थियो । मतमा कहिले सुवेदी अगाडि त कहिले दाहाल अगाडि थिए । तर, पछिल्लो अवस्थामा दाहालले मतान्तर बढाउँदै अग्रता लिइरहेकी छिन् ।
यता, गठबन्धनको बागी उम्मेदवार जगन्नाथ पौडेलले भने ४ हजार ९४२ मत पुर्याएका छन् ।
भरतपुरमा कांग्रेसको तर्फबाट उपमेयरमा उम्मेदवार चित्रसेन अधिकारीले १३ हजार २०४ मत पाएका छन् भने उनका प्रतिस्पर्धी राप्रपाकी हिमला गुरुङले ७ हजार ३५० मत पाएकी छिन् । दुईबीचको मतान्तर झण्डै दोब्बरजस्तो देखिएको छ ।
वि.सं.२०७९ जेठ ४ बुधवार १७:४४ मा प्रकाशित