Logo
१३ असार २०७९, सोमबार
     Mon Jun 27 2022
E-paper
  English Edition
   Unicode
Logo

मुक्तक



बाबुराम न्यौपाने “उत्स“,दमक, झापा


नशालु मदिरा पिलाउँन लजाएर गएँ
मृदु उमङ्गको पञ्चैबाजा बजाएर गएँ
दुईदिलको अनूपम मेहफिल सजाउँन
प्रेमको किस्तीमा समर्पण सजाएर गएँ ।


गरीबको पसिनामा पौडन छोड्यो भने
अपराधको गुफातिर दौडन छोड्यो भने
मान्छे मानव भएर सगर्व बाँच्न सक्छ
सत्मार्गतिर बुद्धिको धार मोड्यो भने ।


यहाँ आँसु खसेको देख्छ र कस्ले
उसको बग्ने बाटो छेक्छ र कस्ले
आगोभै बलेको यो मनको व्यथा
कलममा समेटेर लेख्छ र कस्ले ।


पहिलो प्रेम चङ्गाझै चेट भो त के गरौँ
फेरि उमेर ढल्केपछि भेट भो त के गरौँ
प्रेमले पनि मुटुपोल्ने जलन दिंदोरहेछ
जातनै बाटो छेक्ने गेट भो त के गरौँ ।


समय जस्तै खोलो निरन्तर बगिरहेको छ
शक्तिशालीले कमजोरलाई ठगिरहेको छ
पैसाको कुरुप साम्राराज्य चलेको बेला
सम्पन्नले गरीबलाई युगयुग दगिरहेको छ ।

 


यो खबर पढेर तपाईलाई कस्तो महसुस भयो ?

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा