काठमाडौं । काठमाडौंमा दुई जनामा हैजाका जिवाणु भेटिएको पुष्टि भएको छ ।
शुक्रराज ट्रपिकल तथा सरुवा रोग अस्पताल टेकुमा भर्ना भएका बागबजार वडा नम्बर २८ का १८ र २३ वर्षीय दुईजनामा हैजाका जिवाणु भेटिएको हो ।
झाडा पखाला भएपछि अस्पताल भर्ना भएका उनीहरुको नमूना परीक्षणबाट हैजा पुष्टि भएपछि हाल उनीहरुको शुक्रराज ट्रपिकल तथा सरुवा रोग अस्पताल टेकुमा उपचार भइरहेको छ ।
‘हैजाका दुबै बिरामी एकै परिवारका सदस्य रहेको जानकारी प्राप्त भएको छ। उनीहरुको हाल शुक्रराज ट्रपिकल तथा सरुवा रोग अस्पताल टेकुमा उपचार भइरहेको छ।’ मन्त्रालयका सह प्रवक्ता डा.समिरकुमार अधिकारीले जारी गरिको प्रेस विज्ञप्तिमा भनिएको छ ।
वर्षायाममा विशेष गरेर झाडापखालाका, हैजा तथा पानीजन्य रोगहरु प्mैलने हुँदा सम्पूर्ण सरोकारवालाहरु सजग र सतर्क रहन मन्त्रालयले अनुरोध गरेको छ ।
‘यी रोगहरुको समयमा सावधानी नपअपनाउनाले र समयमा निदान तथा उपचारको व्यवस्था गर्न नसक्नाले महामारीको रुप लिन सक्छ,’ मन्त्रालयद्धारा जारी सूचनामा भनिएको छ, ‘तर्सथ यसबाट सुरक्षित हुनका लागि पानीलाई उमालेर वा क्लोरिन प्रयोग गरेर मात्र प्रयोग गर्न र गराउन व्यक्तिगत सरसफाई (विशेष गरेर हातको सफाई) तथा खानेकुराको सरसफाईलाई विशेष ध्यान पुर्याउन अनुरोध गर्दछौं ।’
वि.सं.२०७९ असार ६ सोमवार ०९:२१ मा प्रकाशित