चितवन । पहिरोका कारण काठमाडौं–मुग्लिङ सडक अबरुद्ध भएको छ ।
चितवनको इच्छाकामना गाउँपालिका–४ नाग्दी खोला नजिक पहिरो झर्दा दुईतर्फी नै सवारी साधनको आवत–जावत पूर्ण रुपमा बन्द भएको जिल्ला प्रहरी कार्यालय चितवनले जनाएको छ ।
दिउँसो साढे १२ बजेदेखि अबरुद्ध भएको उक्त सडकमा झरेको पहिरो हटाउने काम भइरहेको जिल्ला प्रहरी कार्यालय चितवनका डिएसपी नरहरि अधिकारीले जानकारी दिएका छन् ।
केही दिनयता निरन्तर परिरहेको वर्षाका कारण देशका विभिन्न मुख्य सडकहरु पहिरोका कारण अवरुद्ध बन्दै आएका छन् । file photo
वि.सं.२०७९ असार १२ आइतवार १४:१६ मा प्रकाशित