Logo
३१ श्रावण २०७९, मंगलवार
     Tue Aug 16 2022
E-paper
  English Edition
   Unicode
Logo

मन्त्रीबाट विदा भएपछि झाक्रीले लेखिन्–मैले गरेका कामहरुको परिणाम आइरहनेछ



काठमाडौं । नेकपा एकिकृत समाजवादीकी सचिव रामकुमारी झाक्रीले मन्त्री हुँदा आफुले गरेको कामहरुको परिणामहरु आइरहेको र आइरहने बताएकी छन् ।

आइतबार भावुक हुँदै शहरी विकास मन्त्रीको पदबाट विदा लिएकी झाक्रीले आज लामो स्टाटस लेखेर आफुलाई सहयोग गर्ने सबैलाई धन्यवाद तथा पार्टीबाट मन्त्री बनेका मेटमणि चौधरीलाई बधाई समेत दिएकी छन् ।

झण्डै ८ महिना शहरी विकास मन्त्रालयको जिम्मेवारी सम्हालेकी नेतृ झाक्रीले मन्त्री हुँदा आफुले बढाएका योजनालाई नवनियुक्त मन्त्रीले निरन्तरता दिने आसा समेत व्यक्त गरेकी छन् ।

‘मैले नीतिगत क्षेत्रमा गरेको रूपान्तरण ठूलो डिपास्चर हो भन्नेमा दुई मत छैन । साथै नवनियुक्त मन्त्रीजीले मैले नीतिगत रुपमा अगाडि बढाएका विषयलाई निरन्तरता दिनु नै हुनेछ भन्नेमा ढुक्क छु । साथै माननीयन मन्त्री मेटमणी चौधरीलाई हार्दिक बधाई तथा सफल कार्यकालको शुभकामना !’ झाक्रीले लेखेकी छन् ।

यस्तो लेखेकी छन् झाक्रीले
मलाई शहरी विकास मन्त्रीको जिÞम्मेवारीमा सिफारिस गर्ने मेरो दल, दलका नेता कमरेड माधव कुमार नेपाल, गर्न सक्ने र केही गर्न खोज्ने मन्त्रीलाई प्रशस्त मौका र विश्वास गर्ने सम्माननीय प्रधानमन्त्री श्री शेरबहादुर देउवा, गठबन्धन दलका नेता कमरेड प्रचण्ड, उपेन्द्र यादव, डा. बाबुराम भट्टराई, लगायतका नेताहरू, मन्त्री परिषदका मेरा सिनियर सहकर्मी मन्त्री दाई दिदीहरू, मूख्य सचिव, विभिन्न मन्त्रालय, विभिन्न आयोगका संगठनका सचिवहरू, मेरो मन्त्रालयका सचिव, जंगी, प्रहरी लगायत सुरक्षा निकायका प्रमुख तथा पदाधिकारीहरू, मेरो मन्त्रालयका सहसचिवहरू, मातहत निकायका पदाधिकारीहरू, मेरो निजी सचिवालय, स्वकीय सचिवालयका सहकर्मीहरू प्रति हार्दिक आभार ब्यक्त गर्न चाहान्छु । खास गरी मेरो मन्त्रालयको समग्र टिम जसले मलाई शहरी भाषा बोल्न सिकाउनु भयो उहाँहरू प्रत्येकलाई हार्दिक धन्यवाद दिन चाहन्छु । आफ्नो जिम्मेवारीमा कहिल्यै संझौता नगर्ने अंगरक्षक, ब्यक्तिगत सुरक्षा अधिकारी, सहयोगी भाई बहिनीहरू सबै प्रति हार्दिक धन्यवाद !
मेरा सुभेच्छुक साथिहरू पत्रकार मित्रहरू विकास साझेदार संस्था र प्रतिनिधिहरू, निजी क्षेत्रका मेरा मार्गदर्शकहरू, मेरो पथप्रदर्शक मेरो श्रीमान, मेरो परिवार र मेरो सानो छोरा जसको समय मैले सार्वजनिक जीवनमा लगाएँ‘ सबैप्रति ऋणी छु । मलाई आलोचना गरेर मौका दिने मेरो पार्टीका विभिन्न जनसंगठनका नेता तथा “कार्यकर्ताहरू” प्रति हार्दिक हार्दिक धन्यवाद! सबै दल सम्बद्ध मेरा मित्रहरू तपाईहरूलाई सधै सम्झिन्छु । म प्रति आशावादी हुने सम्पूर्ण बुद्धिजीवी, पत्रकार र आम नागरिक हरूप्रति हार्दिक धन्यवाद ! म तपाईंहरूको आशालाई निराश हुन दिने छैन भन्ने संकल्प लिदै अगाडि बढ्नेछु ।
यो विचमा कार्यपालिका मात्र होईन, न्यायपालिका, व्यवस्थापिका जस्ता राज्यका अंगहरूका प्रमुखज्यूहरू सँग सार्वजनिक सरोकारका विषयहरूमा पटक पटक परामर्श गरेर इमानका साथ सोझो मनले, जनताको भलो चिताएर आफ्नो शतप्रतिशत कर्म लगाएर मन्त्रालयबाट बिदा भएकी छु । त्यसका परिणामहरू आइरहेका छन्, आइरहने छन् । मैले नीतिगत क्षेत्रमा गरेको रूपान्तरण ठूलो डिपास्चर हो भन्नेमा दुई मत छैन ।
साथै नवनियुक्त मन्त्री जीले मैले नीतिगत रुपमा अगाडि बढाएका विषयलाई निरन्तरता दिनु नै हुनेछ भन्नेमा ढुक्क छु । साथै माननीयन मन्त्री मेटमणी चौधरीलाई हार्दिक बधाई तथा सफल कार्यकालको शुभकामना !’


यो खबर पढेर तपाईलाई कस्तो महसुस भयो ?

काठमाडौं । सरकारले कर्मचारीदेखि शिक्षकसम्मको नयाँ तलबमान लागु गर्ने निर्णय गरेको छ । साउन

काठमाडौं । नेपाली बजारमा सुनको भाउ निरन्तर उतार–चढाव आइरहेको छ । नेपाल सुनचाँदी व्यवसायी

काठमाडौं । नेकपा (माओवादी केन्द्र)सँगै मिलेर चुनाव लड्ने निर्णय गरेसँगै नेपाल समाजवादी पार्टीका नेता