काठमाडौं । नेपालमा आज थप ४४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयद्धारा जारी विवरण अनुसार पछिल्ला २४ घण्टामा गरिएको २,७९८ नमुना परीक्षणमा ४४ जना संक्रमित थपिएका हुन् ।
त्यसैगरी पछिल्लो २४ घण्टामा १७ जना कोरोना संक्रमित निको भएका छन् । आज निको भएका १७ जनासँगै नेपालमा हालसम्म कोरोना संक्रमणबाट मुक्त हुनेको संख्या ९ लाख ६७ हजार ४२६ रहेको छ ।
त्यस्तै कूल संक्रमित ९ लाख ७९ हजार ६०७ मध्ये हालसम्म ज्यान गुमाउनेको संख्या ११ हजार ९५२ रहेको छ ।
त्यसैगरी हाल नेपालमा कोरोनाका २२९ जना सक्रिय संक्रमित रहेका छन् । ती मध्ये होम आइसोलेशनमा रहनेको संख्या २२३ रहेको छ भने संस्थागत आइसोलेशनमा ६ जना र आइसीयुमा २ जनाको उपचार भइरहेको छ ।
त्यस्तै पछिल्लो २४ घण्टामा १ लाख ३६ हजार ९९६ मात्रा कोरोना भाइरसविरुद्धको खोप लगाइएको छ ।
नेपालमा केही दिनयता कोरोना संक्रमित हुनेको संख्या बढ्दै गएको छ ।
वि.सं.२०७९ असार १४ मंगलवार १७:४३ मा प्रकाशित