काठमाडौं । नेपाली कांग्रेस र नेकपा (माओवादी केन्द्र)ले बागमती प्रदेशका मुख्यमन्त्री राजेन्द्र पाण्डेविरुद्ध हस्ताक्षर अभियान सुरु गरेका छन् ।
गत असोज ७ गते कांग्रेस र नेकपा एकिकृत समाजवादीबीच आलोपालो मुख्यमन्त्री चलाउने भनेर भएको सहमति अनुसार पाण्डेले मुख्यमन्त्री पदबाट राजीनामा नदिएपछि दुई पार्टीका प्रदेशसभा सांसदले आवस्यक परेको खण्डमा प्रयोग गर्ने भन्दै हस्ताक्षर अभियान थालेका हुन् ।
गत कात्तिक ११ गते नेकपा (एकिकृत समाजवादी) बाट बागमती प्रदेशको मुख्यमन्त्री बनेका पाण्डे र नेपाली कांग्रेसका संसदीय दलका नेता इन्द्र बानियाँले आधा–आधा कार्यकाल चलाउने सहमति भएपनि पाण्डेले ८ महिना वितिसक्दा पनि पदबाट नहटेको भन्दै प्रदेश सांसदहरुले हस्ताक्षर अभियान सुरु गरिएको श्रोतले जनाएको छ ।
वि.सं.२०७९ असार १६ बिहीवार १४:५३ मा प्रकाशित