काठमाडौं । प्रधानमन्त्री शेरबहादुर देउवासहित गठबन्धनका शिर्ष नेताहरू आज निजगढ पुगेका छन् । विमानस्थल निरीक्षणका लागि प्रधानमन्त्रीसहित सत्तारुढ दलका शीर्ष नेताहरु निजगढ पुगेका हुन् ।
निजगढ अन्तर्राष्ट्रिय विमानस्थलको स्थलगत अध्ययनको लागि शिर्ष नेताहरूको टोली निजगढ पुगेको बताइएको छ । प्रधानमन्त्रीसहित सत्तारुढ गठबन्धनका शीर्ष नेताहरु नेकपा माओवादीका अध्यक्ष पुष्पकमल दाहाल ‘प्रचण्ड’, नेकपा एकिकृत समाजवादीका अध्यक्ष माधवकुमार नेपाल र जसपाका अध्यक्ष उपेन्द्र यादवलगायत टोलीमा सामेल छन् ।
त्यसैगरी अर्थमन्त्री जनार्दन शर्मा, खानेपानी मन्त्री उमाकान्त चौधरी र वागमती प्रदेशका मुख्यमन्त्री राजेन्द्र पाण्डेलगायतका नेताहरु निजगढ अन्तर्राष्ट्रिय विमानस्थल पुगेका छन् ।
-->
