काठमाडौं । एनएमबि बैंक र सिप्रदी ट्रेडिङ्गबीच विद्युतिय गाडी खरिद समबन्धी सम्झौता भएको छ । बैंकले विद्युतीय गाडीहरु बिक्री गर्दै आएको सिप्रदीसँग विद्युतिय गाडी खरिदको लागि न्युनतम ब्याजदरमै कर्जा प्रवाह गर्ने समबन्धमा सम्झौता गरेको हो ।
उक्त सम्झौता अनुसार बैंकले ८० प्रतिशत फाइनान्सिङ्गसहित आवश्यक सम्पूर्ण कागजात बुझाएको २४ कार्य घण्टाभित्र कर्जा प्रवाह गर्नेछ । बैंकले व्यवसायका साथै वातावरणीय संरक्षणलाई सहयोग गर्न सो सम्झौता गरेको जनाएको छ ।
बैंकले यस योजनाले नेपालको विद्युत सदूपयोग हुने विश्वास लिएको छ । साथै, बैंकले हाल २०१ शाखा, १३८ एटीएमहरू, ११ एक्सटेन्सन काउन्टरहरू मार्फत उच्चस्तरीय सेवा प्रदान गर्दै आइरहेको जनाएको छ ।
वि.सं.२०७९ असोज ५ बुधवार १७:१८ मा प्रकाशित