Logo
२६ माघ २०७९, बिहीबार
     Thu Feb 9 2023
E-paper
  English Edition
   Unicode
Logo

लघुकथा : ललाली लाल



डा. विदुर चालिसे, काठमाडौं

‘दिन्छु, दिन्छु, दिन्छु भनेपछि दिन्छु !’

उसँग नदिने कुरा त कुनै थिएन तर दिने कुरा पनि केही थिएन । प्रत्यक्ष भगवानको स्वरूपमा काया–पलटको अवतार लिएर ऊ कराइरहेको थियो । जहिल्यै पाइरहने तर कहिल्यै नपाउने मान्छेहरू प्यासले आँमुख गरेर आकासतिर फर्किरहेका थिए ।

ट्वाल्ल हेरिरहेको एकजनाको छोराले उस्को बाबुलाई भन्यो ।

‘आफ्नो हात जगन्नाथ ! अब म राजनीति गर्न लागेँ ।’

छोराको कुरा सुनेर बाबू अचम्म पर्याे । मेहनत गरेर पढिरहेको छोराको कुराले बिलखबन्द पर्याे। भविश्यमा छोरालाई डाक्टर वा इन्जिनियर बनाउने सोच बाबुको थियो । तुषारापात भयो । बाबुले छोरालाई सोधे ।

‘तँलाई कसले मन बिगार्याे र यस्तो कुरा गर्छस् ?’

‘हजुरले मलाई बिगार्नसम्म बिगार्नु भयो ।’

‘यति राम्रो कलेजमा पढ्छस् । पढाइ, आनीबानी एकदम राम्रो छ । के भो तिमीलाई ?’

माया र स्नेहको भावमा बाबुले सम्झाउन थाले । छोरो सम्झन तयार भएन । उसले बाबुलाई प्रतिप्रश्न गर्याे ।

‘हजुर महान डाक्टर हैन ?’

‘विशेषज्ञ पनि हो ।’

‘प्राध्यापक हैन ?’

‘उम, त्यो पनि हो त !’

‘लेखक अनि समाजसेवी पनि हैन ?’

‘लगभग सबै हो !’

‘ल सुन्नोस, तपाईं यश महान देशको महान नागरिक ! तपाईं बजारमा जनतालाई केही बेच्न सक्नुहुन्न तर हेर्नाेस त जाली, फटाहा, गुण्डा, भ्रष्ट्राचारी, व्यभिचारी, ज्यानमारा र दलालहरू तपाईलाई सबथोक दिन्छु भनेर बर्बराइरहेका छन्। त्यसकारण अब पढ्दिन म, राजनीति गर्छु !’

‘राजनीति गरेर के गर्छस् !’

‘पैसा, इज्जत, शान, दम्भ र अधिकार कमाउँछु अनि तपाईं जस्ता लाखौं मान्छेहरूलाई बेबकूफ बनाउँछु ।’
‘प्रतिष्ठा चाहिंदैन ?’

‘त्यो त घर, घडेरी, बङ्गला, गाडी र बैंक व्यालेन्स भएपछि आफै आउँछ !’

‘थुइक्क ललाली लाल !’

ऊ फोक्सोको सास खुस्किउन्जेल तुरूक तुरूक गरेर मन्चमा कराइरहेको थियो ।

‘परिवर्तन हाम्रै पालामा सम्भव छ !’


यो खबर पढेर तपाईलाई कस्तो महसुस भयो ?

काठमाडौं । नेकपा (माओवादी केन्द्र)ले केन्द्रीय पदाधिकारीसहित स्थायी समिति, केन्द्रीय समिति र वैकल्पिक केन्द्रीय

काठमाडौं । नेकपा माओवादी केन्द्रले पूर्व सभामुख अग्नि सापकोटालाई उपाध्यक्षमा चयन गरेको छ ।

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको