काठमाडाैं । सांगीतिक कार्यक्रमको लागि अष्ट्रेलियाको ब्रिसबेन पुगेका गायक प्रकाश दूतराजले आत्महत्या प्रयास गरेका छन् । अष्ट्रेलिया गएका उनले स्थानीय समयअनुसार आइतबार मध्यरातमा आत्महत्याकाे प्रयास गरेका हुन् ।
दुतराज गायिका भूमिका गिरीसहित दूतराज कन्सर्टका लागि गत २० अक्टोबरमा अष्ट्रेलिया गएका थिए । त्यहाँ उनीहरू दुवैलाई आयोजकले एक फ्ल्याटमा राखेकाे थियाे । बताइएअनुसार सोही फ्ल्याटको कोठामा दूतराजले झुण्डिने प्रयास गरेका हुन्र ।
आयोजक निकट एकले बताएअनुसार उनको कोठाको ढोका खुल्लै भएकाे र झुण्डिने प्रयासका क्रममा भूमिकाले थाहा पाएपछि उनकाे उद्धार भएकाे थियाे । दूतराजले आत्महत्या प्रयास गर्नुको कारण भने खुलेकाे छैन ।
पछिल्लाे समय दूतराजका जाम भो माइली, घर कता हो बैनीको, चोली मैलै भो, मन भुल्छलगायत गीत चर्चित छन् । केही दिनअघि रिलिज भएको उनको गीत ‘देउरालीमा’ पनि निकै मनपराइएकाे छ ।
वि.सं.२०७९ कात्तिक २१ सोमवार १७:२० मा प्रकाशित
