काठमाडौँ । कतारमा भईरहेको फिफा विश्वकप २०२२ को दोस्रो चरणको खेल आजबाट सुरु हुदैँछ । ३२ राष्ट्र सहभागी विश्वकपमा सबै राष्ट्रले पहिलो चरणको खेल खेलिसकेका छन् ।
दोस्रो चरणको खेलपछि धेरै समूहको विश्वकप यात्रा टुंगो लाग्ने छ । यो चरणको खेलमा सबैँ राष्ट्रहरु जित हासिल गरेर नकआउट चरणमा पूग्ने लक्ष्यमा हुनेछन् । दोस्रो चरणको खेल सकिदासम्म जारी विश्वकपको यात्रा तय गर्ने जम्म १६ राष्ट्र रहन्छन् ।
कति गते, कति बजे र को सँग दोस्रो चरणको खेल खेल्दैँ छन् त ? फिफा विश्वकप तालिका !
मंसिर ९ गते
आज शुक्रबार दोस्रो चरणको पहिलो खेलमा वेल्स र इरानबीच दिउँसो ३ः४५ मा प्रतिस्पर्धा हुने छ भने समूह ‘ए’ को आयोजक राष्ट्र कतारले सेनेगलसँग नेपाली समय अनुसार बेलुका ६ः४५ बजे खेल्नेछ ।
त्यस्तै बेलुका ९ः४५ बजे हुने तेस्रो खेलमा नेदरल्यान्ड्स र इक्विडर भिड्ने छन् भने समूह ‘ए ‘को इङ्ल्यान्ड र अमेरिका मध्यरात १२ः४५ बजे आमने-सामने हुनेछन् ।
मंसिर १० गते
पहिलो चरणमा डेनमार्कसँग बराबरीले विश्वकप सुरु गरेको ट्युनिसियाले दिउँसो ३ः४५ मा अष्ट्रेलियासँग भिड्नेछ भने पोल्याण्ड र साउदी अरेवियाको ६ः४५ मा प्रतिश्प्रर्धा हुनेछ ।
पहिलो खेल मध्यरातमा खेल्ने फ्रान्सको दोश्रो खेल भने बेलुका ९ः४५ मा डेनमार्कसँग हुनेछ । साथै समूह चरणको दोश्रो खेलमा अर्जेन्टिनाले मेक्सीकाेसँग राति १२ः४५ मा आमने- समाने गर्ने छन् ।
मंसिर ११ गते
एसियन पावरहाउस जापान र कोष्टारिकाबीचको खेल दिउँसो ३ः४५ हुनेछ भने बेलुका ६ः४५ मा बेल्जियम र मोरक्को भिड्न्त हुनेछ ।
त्यसैगरि ११ गतेको तेस्रो खेल क्रोयसिया र क्यानडाबिच ९ः४५ बाट सुरु हुनेछ भने त्यही रात १२ः४५ मा पहिलो चरणमा ७ गोल हानेको स्पेनसँग जर्मनीको आमने-सामने हुनेछ ।
मंसिर १२ गते
त्यसैगरि १२ गते दिउँसो ३ः४५ मा क्यामरुनले सर्वियासँग खेल्ने छ भने ६ः४५ मा दक्षिण कोरिया र घाना भिड्नेछन् । बेलुका ९ः४५ मा ब्राजिलले स्वीजरल्याण्डसँग भिड्नेछ भने मध्यरात १२ः४५ मा पोर्चुगल र उरुग्वे भिड्ने छन् ।
मंसिर १३ गतेबाट समूहका अन्तिम चरणका खेल सुरु हुनेछन् । अन्तिम चरणमा भने एउटै समूहमा दुई खेल हुनेछन् । एउटा समूहका सबै टोली एकसाथ भिड्नेछन् ।
वि.सं.२०७९ मंसिर ९ शुक्रवार १५:३९ मा प्रकाशित