काठमाडौं । नेकपा एकिकृत समाजवादीले गठबन्धनलाई निरन्तरता दिने निर्णय गरेको छ ।
चुनावी परिणामबारे छलफल गर्न बसेको सचिवालयको बैठकले निर्वाचनको परिणाम सोचेजस्तो नआएपनि आगामी दिनमा पनि गठबन्धनलाई कायम राख्ने निर्णय गरेको पार्टीका प्रचार विभाग प्रमुख जगन्नाथ खतिवडाले जानकारी दिएका छन् ।
‘जे जस्तो मत परिणाम हामीले प्राप्त ग¥यौ, यो परिणाम हामीले सोचेको जस्तो छैन् । तर, गठबन्धनका कारण प्राप्त गरेका उपलब्धीलाई हामीले रक्षा गर्नुपर्छ भन्ने ठाउँमा र गठबन्धनको भावना अनुसार भोलि पनि काम गर्नुपर्छ भन्ने निष्कर्षमा हामी पुगेका छौं ।’ खतिवडाले भने ।
खतिवडाका अनुसार बैठकमा निर्वाचनको सबै परिणाम आएपछि मात्र सरकार गठनका बारेमा स्पष्ट हुने र विस्तृत समिक्षा पनि त्यतिबेलै गरिने छलफल भएको जानकारी दिएका छन् ।
गत मंसिर ४ गते सम्पन्न निर्वाचनमा एकिकृत समाजवादीले १० स्थानबाट प्रतिनिधिसभा सांसदमा विजयी भएको छ ।
वि.सं.२०७९ मंसिर १३ मंगलवार १५:११ मा प्रकाशित