Logo
१३ माघ २०७९, शुक्रबार
     Fri Jan 27 2023
E-paper
  English Edition
   Unicode
Logo

चीन सरकारको आलोचनापछि बेपत्ता भएका ज्याक मा जापानमा भेटिए



काठमाडाैं । चीनमा जारी लकडाउन र विरोध प्रदर्शनका बीच अर्को ठूलो खबर आएको छ। देशका सबैभन्दा शक्तिशाली व्यापारी र धनीव्यक्ति ज्याक मा हाल जापानको राजधानी टोकियोमा छन्।

ज्याक मा मध्यटोकियोमा करिब ६ महिनादेखि बस्दै आएका छन्। उनी विश्वको सबैभन्दा ठूलो प्रविधि कम्पनी अलिबाबाका संस्थापक हुन्।

सन् २०२१ मा जब ज्याक माको बेपत्ता भएको खबर आयो तब विश्वका मानिसहरु स्तब्ध भए। ज्याक मा कहाँ छन् भनेर सबैले जान्न चाहन्थे। ज्याक मा आफ्नो परिवारसँग जापानमा बस्दै आएको फाइनान्सियल टाइम्सले जानकारी दिएको हो।

ज्याक मा टोकियोमा धेरै कम प्रोफाइल जीवन बिताइरहेका छन्। उनले आफ्नो व्यक्तिगत शेफ र सेक्युरिटीलाई साथमा लिएर गएका छन्। यसका साथै उनी सार्वजनिक रुपमा बिरलै देखिन्छन्।

ज्याक माले आफ्नो परिवारसँग जापानमा केही महिनाको बसोबासको अवधिमा हट स्प्रिङ्सदेखि स्की रिसोर्टसम्मको यात्रा गरेका छन्। यसबाहेक उनले टोकियोबाहिर अमेरिका र इजरायलको पनि भ्रमण गरिसकेका छन्।

दुई वर्षअघि चिनियाँ सरकारी एजेन्सीहरुले कडा नियम लागू गरेका थिए। त्यसपछि ज्याक माले यी नियमको कडा आलोचना गरेका थिए। ज्याक माले देशका केन्द्रीय बैंकहरुमा साहुकारको मानसिकता भएको आरोप लगाएका थिए। त्यसबेलादेखि ज्याक माका कम्पनी एन्ट र अलिबाबाले धेरै कठिनाइको सामना गर्नुपरेको थियो।

चिनियाँ एजेन्सीले एन्टको ३७ अर्ब डलरको सार्वजनिक प्रस्ताव बन्द गरेको थियो। यससँगै अलिबाबालाई २.८ बिलियन डलर जरिवाना पनि लगाइएको छ।

जब राष्ट्रपति सी जिनपिङले चीनमा शून्य कोभिड नीति लागू गरे फेरि एकपटक ज्याक मा बेपत्ता भएको रिपोर्टहरु आएका थिए।

चिनियाँ अधिकारीहरुसँगको टकरावपछि ज्याक मा स्पेन र नेदरल्यान्ड्सलगायत विभिन्न देशमा देखिएका थिए। ज्याक मा चीनको कडा क्वारेन्टिन नियमको विरुद्धमा छन्। यस्तो अवस्थामा उनी स्वदेश फर्किए भने उनका लागि कठिनाइ बढ्न सक्छ।

यसबाहेक ज्याक मा देशको राजनीतिक मुद्दाबाट पनि बच्न चाहन्छन्। उनका सामाजिक गतिविधिहरु गर्ने निजी क्लबहरुमा आबद्ध छन्। यीमध्ये एउटा क्लब टोकियोको स्वाश गिन्जा जिल्लामा र अर्को इम्पेरियल प्यालेसको छेउमा रहेको मारुन्चीमा अवस्थित छ। चीनका धनाढ्यहरु गिन्जा क्लबमा आउँछन्। एजेन्सीबाट


यो खबर पढेर तपाईलाई कस्तो महसुस भयो ?

काठमाडौं । पूर्वसचिव रामेश्वर खनालले नयाँ बैवाहिक जीवनको सुरु गरेका छन् । श्रीमती सुचित्रा

राज्य छैन भनेर आत्मदाह सम्मको प्रयास गरेका यो देशको नागरीकलाई "ऊ चाँडै नै यो

अभावमा कलह हुन्छ । अभावमा मानसिक स्थिती कमजोर र नकारात्मक हुन्छ । नकारात्मक कुरा

काठमाडौं । राष्ट्र बैंकले आजको बजारमा विदेशी मुद्राको भाउ यसप्रकार तोकेको छ । बैंकको