Logo
२६ माघ २०७९, बिहीबार
     Thu Feb 9 2023
E-paper
  English Edition
   Unicode
Logo

सन् २०२१ मा माल्टाका प्रत्येक पाँचमध्ये एक व्यक्ति गरिबी वा सामाजिक बहिष्करणको जोखिममा : तथ्याङ्क



काठमाडौँ । सन् २०२१ सम्ममा माल्टाको निजी परिवारमा बसोबास गर्ने अनुमानित २०.३ प्रतिशत जनसङ्ख्या गरिबी वा सामाजिक बहिष्करणको जोखिममा रहेको राष्ट्रिय तथ्याङ्क कार्यालय (एनएसओ) ले बिहीबार जारी गरेको प्रतिवेदनमा उल्लेख छ ।
सन् २०२० मा यो सङ्ख्या १९.९ प्रतिशत थियो ।

एनएसओले भनेको छ, “यदि व्यक्तिहरू गरिबीको जोखिममा, गम्भीर भौतिक र सामाजिक रूपमा बञ्चित, वा धेरै कम कामको तीव्रता भएका परिवारहरूमा बाँचिरहेका छन् वा यी अवस्थाहरूमध्ये कम्तिमा एकमा छन् भने उनीहरू गरिबी वा सामाजिक बहिष्करणको जोखिममा छन् ।

सन् २०२१ का लागि, राष्ट्रिय समतामूलक आयको ६० प्रतिशतमा निर्धारण गरिएको गरिबीको जोखिमको थ्रेसहोल्ड खश हजार २२२ युरो (१० हजार ७३७ अमेरिकी डलर) गणना गरिएको थियो ।

निजी परिवारमा बसोबास गर्ने जनसङ्ख्यामध्ये १६.९ प्रतिशत गरिबीको जोखिममा रहेको अनुमान गरिएको छ, जुन अघिल्लो वर्षको तुलनामा अपरिवर्तित रहेको छ ।

एनएसओले जनसङ्ख्याको ५.४ प्रतिशत गम्भीर भौतिक र सामाजिक रूपले वञ्चित व्यक्तिहरू रहेका बताएको छ । यदि कुनै ब्यक्तिले जीर्ण फर्निचर र जीर्ण लुगाहरू वा नियमित रूपमा गरिने अवकाश गतिविधिहरू प्रतिस्थापन गर्ने क्षमताजस्ता १३ भौतिक र सामाजिक अभावका वस्तुहरूमध्ये कम्तिमा सात वस्तुहरू किन्न सक्दैनन् भने उनीहरूलाई गरिबी वा सामाजिक बहिष्करणको सूचीमा पर्छन् ।

यसले सन् २०२० को तुलनामा ०.३ प्रतिशत बिन्दुको वृद्धिलाई प्रतिनिधित्व गरेको छ । सन् २०२१ मा कम कामको तीव्रता भएका जनसङ्ख्याको हिस्सा ४.१ प्रतिशत पुगेको छ, जुन अघिल्लो वर्षको तुलनामा ०.१ प्रतिशत बिन्दुले कम हो । ऐजेन्सीबाट

 


यो खबर पढेर तपाईलाई कस्तो महसुस भयो ?

काठमाडौं । नेकपा (माओवादी केन्द्र)ले केन्द्रीय पदाधिकारीसहित स्थायी समिति, केन्द्रीय समिति र वैकल्पिक केन्द्रीय

काठमाडौं । नेकपा माओवादी केन्द्रले पूर्व सभामुख अग्नि सापकोटालाई उपाध्यक्षमा चयन गरेको छ ।

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको