हामी सबैकाे संसारन्यूज

२१ चैत, काठमाडौं । सुरक्षित आप्रवासनको क्षेत्रमा लामो समयदेखि काम गर्दै आएको पौरखी नेपालमा कार्यरत विजया राइको समुहले नयाँ संस्था दर्ता गरेको छ ।
स्थापनाकालदेखि सँगै रहेर झण्डै १५ वर्षको सहकार्यलाई तोड्दै  विभिन्न कारणले छुट्टिनु परेको उक्त समुहले बताइएको छ । उनीहरुले  मन्जु गुरुङ अध्यक्ष रहेको संस्थाको २९ माघमा भएको १४ औं साधारणसभा सहभागी भएपनि निर्वाचन बहिष्कार  गरेको थियो । त्यहाँबाट छुट्टिएको उक्त समुहले आप्रवासी महिला कामदार (अमकास) नामक नयाँ संस्था दर्ता गरेका छन् ।
सात सदस्यीय रहेको उक्त संस्थाको अध्यक्षमा विजया राई, उपाध्यक्षमा अग्नि गुरुङ, सचिवमा पुष्पा थापा, र कोषाध्यक्ष गंगा लिम्बु रहेका छन भने सदस्यहरुको नाम पछि बताइने जनाइएको छ । यी चारैजना पौरखीमा सक्रिय रहेर काम गरेका थिए ।
बहिरीएको उक्त समुहले संस्थाको पारदर्शिता नभएको, संस्थामा परिवारवाद हावी भएको, १४ औं साधारणसभामा जिल्ला साखाका पदाधिकारीहरुलाई भोटिङ राइट नदिएको, संस्थामा बैदेशिक रोजगारबाट फर्केका महिलाहरुको सहभागीता र संलग्नता भन्दा पनि बाहिरी मानिसहरु हावी भएको लगायतका आरोप लगाएको छ । पौरखीकी पूर्वसंस्थापक सदस्य समेत रहेकी राइले जुन उद्धेश्यले संस्था खोलिएको थियो त्यो उद्धेश्य अनुरुप संस्था अगाडि नबढ्कोले आफूले छोडेर बाँकी रहेको काम पूरा गर्न लागेको बताएकी छन् ।