काठमाडौं । राष्ट्रिय सभा उपाध्यक्ष पदका लागि फागुन २३ गते निर्वाचन हुने भएको छ ।
शुक्रबार बसेको राष्ट्रिय सभाको बैठकमा अध्यक्ष गणेश तिमल्सिनाले निर्वाचनको कार्यक्रम प्रकाशित गर्नका लागि निर्देशन समेत दिएका छन् ।
तत्कालीन उपाध्यक्ष शशिकला दाहालको २१ फागुन २०७८ मा कार्यकाल सकिएपछि रिक्त रहेको उक्त पदका लागि २३ गते निर्वाचन हुने भएको हो ।
‘राष्ट्रिय सभा नियमावली २०७५ को नियम ८ बमोजिम राष्ट्रिय सभाको उपाध्यक्षको निर्वाचनका लागि मिति २०७९ माघ २३ गते सोमवारको दिन बिहान ११ बजेर ५९ मिनेटको समय तोकेको छु । उपाध्यक्षको निर्वाचन सम्बन्धि कार्यक्रमको सूचना प्रकाशन गर्न संघीय संसदको महासचिव डा. भरतराज गौतमलाई निर्देशन गर्दछु।’ अध्यक्ष तिमल्सिनाले भनेका छन् ।
