काठमाडौं । आदर्श लघुवित्त वित्तीय संस्थाले आफ्ना लगानीकर्तालाई आकर्षक बोनस शेयरको प्रस्ताव गरेको छ ।
कम्पनीले गत आर्थिक वर्षको नाफाबाट आफ्ना लगानीकर्तालाई २० प्रतिशत बोनस शेयर दिने प्रस्ताव गरेको हो ।
लघुवित्तको सञ्चालक समितिको बैठकले २० प्रतिशत बोनस शेयर र १.०५ प्रतिशत नगद लाभांश वितरण गर्ने प्रस्ताव गरेको छ । २०७९ साल असार मसान्तमा कायम चुक्ता पुँजी २ करोड ७ लाख रुपैयाँको २० प्रतिशतले हुन आउने ४१ लाख रुपैयाँ बराबरको बोनस शेयर वितरण गर्ने छ ।
यस्तै, बोनस शेयरको कर प्रयोजनका लागि भन्दै लघुवित्तले १.०५ प्रतिशतले हुन आउने २ लाख १७ हजार ८९४ रुपैयाँ बराबर नगद लाभांश वितरण गर्ने छ । कम्पनीको आगामी वार्षिक साधारण सभाले पारित गरेपछि लाभांश वितरण हुनेछ ।
