काठमाडौं । नेकपा एकिकृत समाजवादीका नेता घनश्याम भुसाल कार चलाउँदा चलाउँदै बेहोस भएपछि अस्पताल भर्ना भएका छन् ।
उनी आलोकनगरमा रहेको पार्टी कार्यालय जानेक्रममा नयाँ बानेश्वर पुग्दा बेहोस् भएका थिए । उक्त समयमा भुसालले छेउमा चालकलाई राखेर आफुले कार चलाएका थिए । गाडी भित्तामा ठोक्किदा चालक सामान्य घाईते भएको र भुसालको गाडीमै होस आएपनि सिटी स्क्यानका लागि अस्पताल लगिएको समाजवादी प्रेस संगठनका वरिष्ठ उपाध्यक्ष विश्वमणी सुवेदीले जानकारी दिएका छन् ।
हाल भुसालको बानेश्वरस्थित शिभिल अस्पतालमा भर्ना गरेर उपचार गरिएको र उनकोे अवस्था सामान्य रहेको पनि सुवेदीले जानकारी दिएका छन् ।
‘अहिले अवस्था सामान्य छ सिटी स्क्यानको रिर्पोट कुदैछौं । दुवैजनाको शिभिल अस्पतालमा उपचार भइरहेको छ ।’सुवेदीले भने ।
