सुशीला ढकाल अधिकारी, काठमाडौं
१
रुन्छु धर्केर
मेरो माया सम्झेर
आउ फर्केर ।
२
सल्ला बनैमा
भेट्ने मेरो तिर्सना
रह्यो मनैमा ।
३
माया टाढा छ
माया त्यसैकारण
झनै गाढा छ ।
४
माया भनेर
बसेको छु आउने
दिन गनेर ।
५
पिर भएको
सम्झी सम्झी रुन त
मन लाएको ।
६
माया खुनीले
चटक्कै नै बिर्सियो
टाढा हुनीले ।
७
सम्झी बसेको
आँसु भित्र लुकाइ
यता हाँसेको ।
८
आँसु खसेको
तिमीलाई सम्झेर
छु है बसेको ।
९
परदेशमा
सम्झी फर्क मायालु
घरदेशमा ।
१०
मिली बसेर
दुनियाँको अगाडि
हिँडौँ हाँसेर ।
