हामी सबैकाे संसारन्यूज

काठमाडाैं । ट्याक्सीमाण्डु एपले आज (मंगलबार) साँझ ७ बजेसम्म निःशुल्क ट्याक्सी सेवा दिने भएकाे छ । यातायात व्यवसायी तथा मजदुरले विभिन्न माग राख्दै गरेको आन्दोलनलाई समर्थन गर्दै राइड सेयरिङ एप ट्याक्सीमाण्डुले निःशुल्क सेवाकाे घोषणा गरेको हो।

सरकार र यातायात मजदुरबीच यातायात मजदुरका मागबारे सहमति भइसकेकाे छ । सहमतिपछि मजदुरहरूले बन्दका कार्यक्रम पनि फिर्ता लिएका छन् ।

तर, आन्दोलन फिर्ता लिए पनि ट्याक्सीमाण्डुले आज साँझ ७ बजेसम्म भने निःशुल्क सेवा दिनेछ । ट्याक्सीमाण्डुका सिइओ अर्जुन केसीले सञ्चारमाध्यमलाई बताएअनुसार साँझ ७ बजेसम्म भने निःशुल्क सेवा लिन पाइनेछ ।

सर्वसाधारणमाथि पर्ने असरलाई मध्यनजर गर्दै निःशुल्क सेवा दिइएकाे सिइओ केसीले बताए। निःशुल्क सेवा प्रयोग गर्न नेपाल राइड प्रोमो कोड प्रयोग गर्नुपर्ने पनि केसीले जानकारी दिएका छन् ।