Sansar News
काठमाडौँ । कमेडी कलाकार ‘म्याकुरी’ पवन खतिवडा मोरङमा पक्राउ परेका छन् ।
मादक पदार्थ सेवन गरी होहल्ला र कुटपिट गरेको भन्दै उनलाई बेलबारी नगरपालिका–१ स्थित एक होटलबाट प्रहरीले नियन्त्रणमा लिएको हो ।
होटलमा मादक पदार्थ सेवन गरी बेलबारी ४ का जीवन कार्कीलाई टाउकोमा प्रहार गरी गम्भीर घाईते बनाएको आरोपमा उनलाई पक्राउ गरिएको जिल्ला प्रहरी कार्यालयका प्रहरी नायब उपरीक्षक (डिएसपी) टीकाबहादुर कार्कीले जानकारी दिएका छन् । खतिवडासँगै रमेश भण्डारीलाई पनि प्रहरीले नियन्त्रणमा लिएको हो ।
प्रहरीका अनुसार पीडित पक्षले जाहेरी दिएपछि मात्र प्रहरीले कारबाहीको प्रक्रिया अगाडि बढाइनेछ । छलफलका लागि लागि दुवै पक्षलाई बोलाइएको र उनीहरुबीच मिलापत्र भए मात्रै खतिवडालाई छाडिने प्रहरीले जनाएको छ ।
युट्युव च्यानलबाट ‘म्याकुरी’ थेगोले चर्चित खतिवडाको आफ्नै युट्युव च्यानल पनि छ । उनले चलचित्रमा पनि काम गरेका छन् ।
वि.सं.२०७९ फागुन ३ बुधवार १७:५३ मा प्रकाशित
