Sansar News
काठमाडौ । सिटिजन्स बैंक इन्टरनेशनलका ग्राहकले कालिञ्चोक केवलकारमा छुट पाउने भएका छन् ।
बैंक र कालिञ्चोक दर्शन लिमिटेडबीच बैंकका कार्डबाहक ग्राहकहरूलाई छुट दिने समझदारीपत्रमा हस्ताक्षर भएसँगै सिटिजन्स बैंकका ग्राहकले दोलखाको कालिञ्चोक केवलकारमा छुट पाउने भएका हुन् ।
सिटिजन्स बैंकका कार्डबाहकहरुले कालिञ्चोक केवलकार सेवामा १० प्रतिशत सम्मको छुट पाउने छन् ।
बैंकले आफ्ना ग्राहकहरुको सेवा तथा सुविधालाई ध्यानमा राख्दै यस्तो व्यवस्था गरेको हो । सिटिजन्स बैंकले हाल १८२ वटा शाखा, १३४ वटा एटिएम र ९७ वटा शाखारहित बैंकिङ इकाइहरुबाट सेवा प्रदान गर्दै आइरहेको छ ।
वि.सं.२०७९ फागुन ५ शुक्रवार ०८:२८ मा प्रकाशित
