Sansar News
काठमाडौं । नेपाली कांग्रेसले राष्ट्रपति निर्वाचनमा सघाए पाँचै वर्ष माओवादी केन्द्रलाई नै प्रधानमन्त्री दिने संकेत गरेको छ । कांग्रेसका प्रवत्ता डा. प्रकाशशरण महतले एक अनलाईन एजेन्सीसँगको कुराकानीमा यस्तो संकेत गरेका हुन् ।
महतले अहिलेको परिस्थितिमा कांग्रेसकै राष्ट्रपति हुने विषय सबैभन्दा स्वभाविक भएको पनि बताए । संविधानको रक्षाको निम्ति पनि कांग्रेस र माओवादी केन्द्र एक ठाउँमा उभिन आवश्यक रहेको उनको भनाई छ ।
एमालेले राष्ट्रिय सहमति नचाहेको अवस्थामा प्रधानमन्त्री प्रचण्डले सही निर्णय लिन आवश्यक रहेको उनको भनाई छ । प्रवक्ता महतले राष्ट्रपतिमा कांग्रेसका उम्मेदवारलाई समर्थन गर्दा कांग्रेसले पनि प्रधानमन्त्री प्रचण्डलाई दिएको विश्वासको मतलाई पूर्ण कालका लागि निरन्तरता दिनुपर्ने बताए ।
याे पनि…
वि.सं.२०७९ फागुन ५ शुक्रवार १४:२४ मा प्रकाशित
