Sansar News
आदिस । संयुक्त राष्ट्रसङ्घका महासचिव एन्टोनियो गुटेरेसले अफ्रिका महादेश र यसका जनतालाई घेरेका बहुआयामिक चुनौतीहरूको सामना गर्न अफ्रिकासँग ऐक्यबद्धताका लागि आह्वान गरेका छन् ।
शनिबार यहाँ आयोजित पत्रकार सम्मेलनमा महाचसिव गुटेरेसले यस महाद्वीपमा आतङ्कवाद, हिंसा, असुरक्षा र द्वन्द्वले मानव जीवन र मानव अधिकारलाई खतरामा पारेको र केही देशमा प्रजातान्त्रिक गतिविधि हराउँदै गएको बताएका छन् ।
“जीवित सङ्कटको लागत – बढ्दो खाद्यान्न र ऊर्जा लागत, जलवायु पतिवर्तनले निम्त्याएको असरले यस क्षेत्रलाई नराम्ररी गाँजेको बताउँदै महासचिवले यी कारक तत्तहरूले बाढी र घातक खडेरी निम्त्याउने बताएका छन् । उनले शान्ति–सुरक्षामा जटिलता निम्तिन सक्ने भन्दै व्यापक आतङ्कवादलगायतका अमानवीय गतिविधिहरूले यस महाद्वीपका मानिसहरूको जीवनलाई जोखिममा पारिरहेको उल्लेख गरेका छन् ।
यसैगरी महासचिव गुटेरेसले थुप्रै अफ्रिकी देशहरूलाई ऋण राहत र सहुलियतपूर्ण वित्तपोषणलाई अस्वीकार गर्ने एक निष्क्रिय र अनुचित विश्वव्यापी वित्तीय प्रणालीमा सुधार गर्नका निम्तिसमेत आग्रह गरेका छन् ।
“हामीले यस्ता जटिलतालाई सुधार गर्दै यहाँको प्राकृतिक, मानवीय, सांस्कृतिक र उद्यमशीलताको संस्कृतिलाई बढावा दिनुपर्ने धारणा राख्नु भएको छ । म विश्वलाई अफ्रिकाको लागि काम गर्न, अफ्रिकाको अर्थतन्त्रको लागि काम गर्न आह्वान गर्दछु ।” उनले भने ।
महासचिव गुटेरेसले अफ्रिकाभरि भोकमरी विरुद्ध लड्न र विश्वभरका अनेक खालका सङ्कटबाट पीडित सबैभन्दा कमजोर मानिसहरूलाई सहयोग गर्न दुई सय ५० मिलियन अमेरिकी डलरको सहयोग पनि घोषणा गरे । उनले अफ्रिकी सङ्घको नेतृत्वमा शान्ति प्रवर्तन मिसनहरू र सुरक्षा परिषद्ले अनुमानित कोषको साथमा आतङ्कवादविरोधी कार्यहरू सृजना गर्ने प्रस्ताव पनि गरेका छन् । (रासस÷सिन्ह्वा)
वि.सं.२०७९ फागुन ८ सोमवार ०८:३४ मा प्रकाशित
