Sansar News
काठमाडौं । विश्वमै सबैभन्दा चाँडो वृद्धि भइरहेको स्मार्टफोन ब्रान्ड रियलमीले आफ्नो नयाँँ मोडल रियलमी–१० को डिजाइन सार्वजनिक गरेको छ ।
जम्मा ७.९५ मिमि मोटाइ रहेको यस मोडललाई कम्पनीले अहिलेसम्म निकालेको सबैभन्दा स्लिम स्मार्टफोन भएको जानकारी दिएको छ । यसमा ब्याट्रि ५००० एमएएचको जडान गरिएको छ । ६.४ इन्चको ठुलो एमोलेड डिस्प्ले, दिनभरी आरामसँग चलाउनको लागि हलुका र अल्ट्रा–स्लिम बडीसहित आकर्षक देखिने डिजाइन सार्वजनिक गरेको हो ।
स्लिम डिजाइन र हल्का तौल अनि शक्तिशाली ब्याट्री भएकोले गर्दा दैनिक रुपमा धेरै फोन प्रयोग गरिरहनुपर्ने अहिलेको जीवनशैलीलाई रियलमी १० ले धेरै सजिलो बनाउने कम्पनीले जनाएको छ । अहिलेका उपभोक्ताहरुको धेरैजसो समय स्मार्टफोनमा बित्ने गर्छ ।
स्मार्टफोन डिजाइन गर्दा रियलमीले फोन समाउँदा हुने अनुभवलाई अत्यन्तै प्राथमिकतामा राखेको कम्पनीको भनाई छ ।
पछिल्लो समय रियलमीले आफ्ना अधिकांश उत्पादनहरु हलुका र स्लिम बनाउँदै आइरहेको छ । रियलमी आफ्ना नम्बर सिरिजहरुमा हरेक उपभोक्ताहरुको लागि उच्चस्तरीय र स्टाइलिस उत्पादनहरु बजारमा ल्याउन प्रतिबद्ध रहेको कम्पनीको भनाई छ ।
त्यस्तै, कम्पनीले ३.५ मिमिको हेडफोन ज्याक र २०० प्रतिशत अल्ट्राबुम स्पिकरले स्मार्टफोनलाई झनै आकर्षक बनाएको कम्पनीका दाबी छ । साथै, प्रयोगकर्ताले पार्टी अथवा अन्य कुनै रमाइलो पलहरुमा बस्टेड भोल्युममा हाइ रेजोल्युसन साउन्डको मज्जा लिन सक्नेछन् । यो फोन क्ल्याश व्हाइट र रस ब्ल्याक गरी दुई आकर्षक रंगमा उपलब्ध हुने कम्पनीले जनाएको छ ।
वि.सं.२०७९ फागुन ९ मंगलवार ०९:११ मा प्रकाशित
