Sansar News
काठमाडौं । अमेरिकी राष्ट्रपति जो बाइडेनको युक्रेन भ्रमणपछि रुसी राष्ट्रपति भ्लादिमिर पुटिनले कडा कदमको घोषणा गरेका छन् । उनले अमेरिकासँगको एकमात्र बाँकी रहेको आणविक सन्धि पनि स्थगित बताएका छन् ।
यो सन्धि ‘न्यू स्टार्ट न्यूक्लियर ट्रीटी’ भनेर चिनिन्थ्यो। पुटिनले अमेरिकाले आणविक हतियार परीक्षण गरे रुस पनि त्यसै गर्न तयार रहेको बताए ।
परमाणु सन्धि दुई देशबीच २०१० मा सहमति भएको थियो। यो रुस–अमेरिकाबीचको एकमात्र परमाणु सन्धि थियो। पुटिनको घोषणासँगै सन्धि स्थगन भएको छ । यो सन्धि दुवै पक्षको रणनीतिक आणविक हतियार सीमित गर्न गरिएको थियो।
आफ्नो सम्बोधनमा रुसी राष्ट्रपतिले युक्रेनका जनता अमेरिकी शक्तिको बन्धक बनेको बताएका छन् । पश्चिमी देशहरूले युक्रेनको राजनीति, अर्थतन्त्र र सेनामाथि कब्जा जमाएको उनले बताए ।
पुटिनले युक्रेनको वर्तमान सरकारले आफ्नो देशको हित नदेखेको र विदेशी शक्तिको हितमा काम गरेको आरोप लगाए । एजेन्सीबाट
वि.सं.२०७९ फागुन ९ मंगलवार १७:४३ मा प्रकाशित
