हामी सबैकाे संसारन्यूज

काठमाडौं । राष्ट्रिय स्वतन्त्र पार्टी (रास्वपा) की सांसद सासद डा. तोषिमा कार्कीले काठमाडौं उपत्यकाका सडक निर्माणमा देखिएका बेथिति कहिले अन्त्य हुन्छ भन्ने प्रश्न गरेकी छन् ।

शुक्रबार संसदको शून्य समयमा बोल्दै सांसद कार्कीले काठमाडौं उपत्यकामा त्यसमा पनि ललितपुर जिल्लाका जनताले सडक निर्माणमा देखिएका बेििथतिको मार खेप्नु परेको भन्दै संसदको ध्यानाकर्षण गराएकी थिइन् ।

कार्कीले नख्खु भैसापाटी सडक तथा ६ वर्षदेखि अलपत्र रहेको चुनिखेल फर्सिडोल सडक, सातदोवाटो–चापागाउँ कान्तिराजपथ मुआब्जाको कारण रोकिएकाले त्यहाँ जनताले शास्ति खेप्नु परेको भन्दै ध्यानाकर्षण गराएकी थिइन् ।

‘सडक विभाग, काठमाडौं उपत्यका खानेपानी लिमिटेडले काम गर्न नसक्नु कस्को स्वाार्थ हो ? ठूला ठेकेदारको मिलेमतो र दवाव हो, राज्यका निकाय कहिले जिम्मेवार हुने ?, यो कमजोरी मात्रै होइन, आम जनतामाथि अपराध हो ।’ कार्कीले भनिन् ।

कार्कीले उपप्रधान तथा भौतिक पूर्वाधार तथा यातायातमन्त्री नारायणकाजी श्रेष्ठको ध्यानाकर्षण गराउँदै भनिन्–‘सार्वजनिक निर्माणको यो ढिला र बेतिथि अविलम्ब समाधान गरियोस् ।’