Sansar News
वासुदेव ठकुरी, काठमाडौं
१
उच्च हिमाल
हिमालको काखमा
हाम्रो नेपाल ।
२
हाँस्यो हिमाल
हाँसोभित्र मुस्कायो
प्यारो नेपाल ।
३
स्वच्छ प्रकृति
कति राम्रा पहरा
छाँगा छहरा।
४
माया बाँच्छ है
हामी सबै मिलेमा
धर्ती हाँस्छ है।
५
लाग्छ सुन्दर
आफ्नै पाखा पखेरा
सिङ्गो संसार ।
६
मीठो मुस्कान
चारैतिर छरियो
माया भरियो।
७
वर पिपल
छायामुनि रमाए
मनै शितल।
८
घाम छायामा
अडेको छ संसार
झुटो मायामा।
९
कस्तो अपार
प्रकृतिको नियम
झुटो संसार।
१०
घाम र पानी
प्रकृतिको देन हो
यो जिन्दगानी ।
वि.सं.२०७९ फागुन २० शनिवार ०९:१३ मा प्रकाशित
