Sansar News
काठमाडौं । प्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’विरुद्ध सर्वोच्च अदालतमा परेको रिट न्यायाधीश ईश्वरप्रसाद खतिवडाको एकल इजलासमा परेको छ ।
सर्वोच्च अदालत प्रशासनले दरपिठ गरिदिएको रिट न्यायाधिश खतिवडासहितको इजलासले दर्त गर्न आदेश दिएको थियो । रिट निवेदन दर्ता गर्न आदेश दिएका खतिवडाकै इजलासमा प्रचण्डविरुद्धको उक्त रिटको पेसी तोकिएको हो ।
यसअघि बिहीबार न्यायाधीश विश्वम्भरप्रसाद श्रेष्ठको इजलासमा पेसी तोकिएको भएपनि इजलास नै नबस्दा सुनुवाइ हुन सकेको थिएन । श्रेष्ठको इजलासमा सुनुवाई नभएको पेसी न्यायाधीश खतिवडाको इजलासमा तोकिएको हो ।
प्रधानमन्त्री प्रचण्डले २०७६ माघ १ गते टुँडिखेलमा आयोेजित थारु माघी महोत्सव कार्यक्रमलाई सम्बोधन गर्ने क्रममा द्वन्द्वकालमा मारिएका पाँच हजार जनाको जिम्मा आफुले लिने अभिव्यक्ति दिएका थिए । उक्त अभिव्यक्तिलाई आधार बनाई ज्ञानेन्द्रराज आरण र चिरञ्जीवीवास गिरीलगायतले बेग्लाबेग्लै रिट दाएर गरेका थिए ।
रिट निवेदनमा निवेदकका प्रचण्डलाई ज्यान मुद्दाको कसुरमा पक्राउ गरी कारबाही गर्न माग गरेका छन् ।
सम्बन्धित समाचार
वि.सं.२०७९ फागुन २६ शुक्रवार ११:३१ मा प्रकाशित
