हामी सबैकाे संसारन्यूज

काठमाडौं । सहकारी अभियानमा अनेक समस्या देखिए पनि देशको समृद्दिका लागि सहकारीको विकल्प नभएको बताइएको छ ।

अष्ट ज कृषि सहकारीको विशेष साधारण सभालाई सम्बोधन गर्दै अष्ट ज अभियान नेपालका राष्ट्रिय अध्यक्ष लोककृष्ण भट्टराईले सो कुरा बताएका हुन् ।

अष्ट ज अभियानमा आवद्द देशैभरीका कृषक तथा उत्पादकहरुका बीचमा काम गर्ने गरी स्थापित भएको सो सहकारीको विशेष साधारण सभामा समाजवादी आन्दोलनका संयोजक डम्बर खतिवडाले समाजवाद र सहकारीको सम्बन्ध बारे धारणा राखेका थिए । अभियानका वरिष्ठ अभियन्ता रामलाल श्रेष्ठ, उपाध्यक्ष भरत गौतम, हिमान्चल भट्टराई, महासचिव निलकण्ठ तिवारी, फलोरी कल्चर एसोसियसनका महासचिव विश्वमणि पोखरेल वरिष्ठ कृषि बैज्ञानिक खड्ग भक्त पौडेल, समृद्द नेपाल मार्गचित्रका लेखक जगन्नाथ काफ्ले, कृषि उत्पादन तथा बजारीकरण अभियानका संयोजक रमेश तुफान, अर्गानिक अभियन्ता कल्पना तिमिल्सीना, अष्ट ज उपाध्यक्ष चन्द्रकला वास्तोला लगायतले मन्तव्य राखेको सो कार्यक्रमको सभापतित्व सहित अध्यक्षको मन्तव्य रुद्र शर्माले राखेका थिए ।

सचिव प्रकाश नेपालको संचालन र चन्दा थापाको स्वागत रहेको सो कार्यक्रममा कोषाध्यक्ष मोदनाथ दंगाल ‘सतेन्द्र’ द्वारा प्रस्तुत प्रतिवेदन पास गरी सेयर पुँजी वृद्दि गर्ने ठोस निर्णय भएको थियो ।

संस्थाले पूर्वसचिव प्रकाश नेपाल र संचालक हिमान्चलराज भट्टराईको राजीनामा स्विकृत गरी सचिवमा भुपराज भुसाललाई चयन गरेको छ ।

स्मरणीय छ उक्त विशेष साधारण सभाले रुद्र शर्माकै अध्यक्षता रहेको सोहि कार्यसमितिलाई निरन्तरता दिएको छ । कार्यसमितिमा उपाध्यक्ष चन्द्रिका राना, सचिवमा भुपराज भुसाल, कोषाध्यक्षमा मोदनाथ दंगाल सतेन्द्र र सदस्यहरुमा नविना खड्का, कल्पना तिमिल्सीना र मन्जु खड्का रहेका छन् ।

त्यस्तै टिका गौतमको अध्यक्षतामा गठन गरिएको लेखा समिति सदस्यहरुमा तारा बलामी र चन्द्र प्रसाद पौडेल रहेका छन् ।