हामी सबैकाे संसारन्यूज

काठमाडौं । नवनियुक्त परराष्ट्रमन्त्री एनपी साउदले नेपाललाई शान्तिप्रिय लोकतान्त्रिक देशको रुपमा विश्वसामु चिनाउने गरी काम गर्ने बताएका छन् । पद तथा गोपनियताको शपथ ग्रहणपछि सिंहदरबार पुगेर पदभार सम्हाल्दै उनले सबै छिमेकीहरूसँग सौहार्दपूर्ण र शान्तिपूर्ण सम्बन्ध बनाउने गरी काम गर्ने बताए ।

“नेपाल शान्तिप्रेमी देश हो । सबै छिमेकी राष्ट्रहरूसँग विगतदेखि नै हाम्रो सौहार्दपूर्ण र शान्तिपूर्ण सम्बन्ध रहीआएको छ”, उनले भनेका छन्, “हामीले आगामी दिनमा पनि सबै छिमेकी देशहरूसँगको सम्बन्धलाई घनिष्ट बनाउँदै लैजानेछौँ । नेपाललाई शान्तिप्रिय लोकतान्त्रिक देशको रुपमा विश्वसामु चिनाउने काम गर्नेछौँ ।”

प्रधानमन्त्री पुष्पकमल दाहाल प्रचण्डकाे भारत भ्रमणकाे चर्चाबारे भने उनले अनविज्ञता व्यक्त गरे । सचिवहरूबाट ब्रिफिङ लिएपछि मात्र जानकारी हुने बताए । प्रधानमन्त्रीकाे सचिवालयले वैशाखको अन्तिम साता प्रचण्डको भारत भ्रमण हुने बताएकाे छ ।