हामी सबैकाे संसारन्यूज

काठमाडौं । धरान उपमहानगरपालिकाका मेयर हर्क साम्पाङले संस्कृति, पर्यटन तथा नागरिक उड्यन मन्त्री सुदन किराँतीले आफैले बोलेको कुरा पूरा नगरेको आरोप लगाएका छन् ।

मेयर साम्पाङले मन्त्री किराँतीले ‘श्रम सस्कृति पद मार्ग’ निर्माणको बाचा गरे पनि आफैले बोलेको कुरा पूरा नगरेको भन्दै गफाडीको आरोप लगाएपछि मन्त्री किरातीले त्यसको जवाफ फर्काएका छन् ।

सामाजिक संजालमा लेख्दै मेयर साम्पाङले लेखेका छन्–सुदन किराती पनि गफाडी रैछन ! श्रम संस्कृति पद मार्ग निर्माणको बाचा गरेका थिए । पुर्याएनन् । बोलेको कुरा पूरा गर्नु हैं । बिरुवा रोप्न चाँहि आउँदा हुन्छ ।’

हर्कले सामाजिक संजालमा यस्तो लेखेपछि मन्त्री किरातीले पनि सामाजिक संजालमार्फत् नै जवाफ दिएका छन् । उनले मेयर साम्पाङलाई सम्बोधन गर्दै फुस्रेबाट साँगुरी भन्ज्याङ्ग भेडेटार पदमार्ग निर्माणको लागि रू– ५० लाख विनियोजन भएको जानकारी समेत गराएका छन् ।

‘मेयर साब नमस्कार !
फुस्रेबाट साँगुरी भन्ज्याङ्ग भेडेटार पदमार्ग निर्माणको लागि रू– ५० लाख विनियोजन भएको जानकारी गराउँदछु । हुनत हामीले एक करोड पचास लाखको प्रस्ताव गरी अर्थ मन्त्रालय पठाएका थियौ । सायद बजेट अभावको कारण त्यस्तै हुन गयो होला । अझ मलाई त यो पदमार्गको नाम तराई मधेश एकता पदमार्ग राख्न मन थियो किनकी पूर्खाले जीवनको लागि नुन तेल ढाकर बोक्दा पसिना बगाएका थिए ।’