Logo
३० श्रावण २०७९, सोमबार
     Mon Aug 15 2022
E-paper
  English Edition
   Unicode
Logo

नेवाः देय् दबूको छैटौँ महाधिवेशन दाङको घोराहीमा हुने



५ वैशाख, काठमाडौँ । नेवारहरूको साझा राष्ट्रिय सङ्गठन नेवाः देय् दबूको छैटौँ बृहत् राष्ट्रिय महाधिवेशन यही वैशाख ८ गतेदेखि दाङको घोराहीमा हुने भएको छ ।

महाधिवेशनमा ६४ जिल्लाका छ सय बढी नेवार प्रतिनिधिको सहभागिता हुने सोमबार आयोजित पत्रकार सम्मेलनमा जानकारी दिइएको छ । नयाँ सङ्घीय संरचनानुरुप गठन हुने महासङ्घमा सात प्रदेशस्तरीय तथा एक वरिष्ठतमसहित आठ उपाध्यक्षको व्यवस्था गरिएको तथा लैङ्गिक दृष्टिकोणबाट प्रतिनिधित्वमा सन्तुलन तथा समावेशिताको सुनिश्चितता गरिएको छ ।

दबूका अध्यक्ष नरेशमान ताम्राकारले ६४ जिल्लामा छरिएर रहेका नेवार दाजुभाइ तथा दिदीबहिनीलाई सङ्गठित रुपमा जागृत गर्ने उद्देश्य रहेको बताउनुभयो । सचिव जितेन्द्रविलास वज्राचार्यले आफ्नो सङ्गठनको मूल उद्देश्य पहिचानसहितको सङ्घीयताको प्राप्ति नै हो भन्दै ‘हालै जारी भएको संविधान अधुरो र अपूरो भएकाले’ आन्दोलनको विकल्प नभएको बताउनुभयो ।

कोषाध्यक्ष विजयरत्न बज्राचार्यले सङ्गठनलाई स्थानीय तहसम्म विस्तार गरी अधिकतम् नेवार समुदायलाई गोलबन्द गर्न महाधिवेशन ऐतिहासिक हुने बताउनुभयो । रासस


यो खबर पढेर तपाईलाई कस्तो महसुस भयो ?

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

कोरोना कहर पछाडि विस्तारै तंग्रदै गरेको अर्थतन्त्रमा केही आशाका किरण पनि देखा पर्न थालेका

काठमाडौं । एक पछि अर्को गर्दै पार्टी परिवर्तन गरिरहेका नेपाल समाजवादी पार्टीका संयोजक डा.