हामी सबैकाे संसारन्यूज

काठमाडौं । बैंक तथा वित्तीय संस्थाहरु विरुद्ध गतिविधि गर्दै हिड्ने अराजक समूहलाई कार्वाही गर्न लघुवित्तकर्मीहरुले सरकारको ध्यानाकर्षण गराएका छन् ।

लघुवित्त बैंकर्स संघले प्रधानमन्त्रीलाई पत्र लेखेरै शान्ति सुरक्षाको माग गरेको छ । संघले काठमाडौंमा एक पत्रकार सम्मेलनको आयोजना गरी सो जानकारी गराएको थियो ।

अहिले देशव्यापि रुपमा खास गरि लघुवित्त विरुद्ध अन्दोलनभन्दै एउटा समूह सकृय छ । संघले जारी गरेको विज्ञप्तिमा भनिएको छ । जुन समूहले ६० लाख घरपरिवार तथा ३३ लाख ग्रामिण महिला आवद्ध लघुवित्तलाई बदनाम गराइरहेको छ ।

सोमबार नै बैंक तथा वित्तीय संस्था सम्बद्ध सबैं संघले पनि संयुक्त रुपमा प्रेस विज्ञप्ति जारी गर्दै अराजक समुहको गैरकानुनी गतिविधि नियन्त्रण गर्न सरकारको ध्यानाकर्षण गराएका थिए ।

फेरि सल्बलाउन थाल्यो वित्तीय संस्थाविरुद्धको संगठित समूह

केही समय अघि सक्रिय रहेर रहेको वित्तीय संस्था विरुद्ध संगठित समुह फेरि सक्रिय हुन थालेको छ । यो समूहले सोमबार मात्र पूर्वी नेपालको इटहरी तथा विर्तामोडमा रहेका केही बैंक, वित्तीय संस्था तथा लघुवित्तहरुका शाखामा प्रवेस गरि शाखा संचालनमा अवरोध गरेको संघले जनाएको छ ।

कर्मचारीहरुलाई धम्क्याउने, सेवा ग्राहीहरुलाई अत्यावश्यक बैंकिङ्ग सेवा लिनबाट बञ्चित गरेकाप्रति बैंक तथा वित्तीय संस्था सम्बद्ध चार वटै संघले निन्दा गरेका छन् ।

त्यस्तै उनीहरुले सुरक्षा निकाय समक्ष यथाशिघ्र आवश्यक कदम चालि शाखा संचालन गर्ने वातावरण बनाउन र कर्मचारी तथा ग्राहकको सुरक्षाको मागसमेत गरेको छ ।