Sansar News
काठमाडौं । नेपाल समाजवादी पार्टीका अध्यक्ष डा. बाबुराम भट्टराईले ललिता निवास प्रकरणमा आफ्नो कुनै स्वार्थ नभएको बताएका छन् ।
ललिता निवास काण्डका दोषीहरुमाथि छानविन गरी कारबाही गरिनुपर्ने माग गर्दै डा. भट्टराईले यो प्रकरणमा आफ्नो वा आफ्ना निकट कुनै व्यक्तिको स्वार्थ नजोडिएको र कसैले आजसम्म त्यस्तो आरोप नलगाएको समेत बताएका छन् ।
‘बरू यो र यस्ता प्रकरणको छिटो टुंगो लागोस् ताकि आम जनतालाई गुड र गोबर छुट्याउन सहज होस्; अनि कसैले आफ्नो दाग छोप्न अरूमाथि हिलो छ्याप्न नपाओस् !’ डा.भट्टराईले भनेका छन् ।
ललिता निवास प्रकरणको पुछारमा मेरो प्रमकालको मन्त्रिपरिषदको निर्णय पनि जोडिन पुगेकाले धेरै महानुभावहरूले चिन्ता र चासो सहित वास्तविकता सार्वजनिक गरिदिन आग्रह गर्नुभएको छ।
मेरो करिब १९ महिने प्रमकालमा प्रकृयागत ढंगले सयौं निर्णय भएका छन् तीबारे प्रमले सबै सम्झनसक्ने कुरो हुॅदैन! म…
— Baburam Bhattarai (@brb1954) July 2, 2023
वि.सं.२०८० असार १७ आइतवार १२:०८ मा प्रकाशित
