गल्कोट समाज जापान क्षेत्रिय समिति ओसाकाले बाजागाजाका साथ नेपाली नयाँवर्षको भव्य स्वागत गरेको छ ।
समाजले ओसाकामा रहेको जिक्रि दोहोरी साँझमा नेपाली नयाँवर्ष २०७४ लाई स्वागत गर्दै शुभकामना आदान प्रदान समेत गरेको छ ।
दिनेश केसीको कार्यक्रम संचालन, समाजका सचिव नर बहादुर थापाको स्वागत भाषण रहेको उक्त कार्यक्रममा संस्थाका अध्यक्ष सुमित खत्रीले २०७३ सालमा गल्कोट समाज जापानले धेरै उल्लेख्नीय काम गरेको बताउँदै २०७४ मा पनि विभिन्न सामाजिक कार्य गरेर अगाडि बढ्ने बताउनु भयो ।
कार्यक्रममा गल्कोट समाज जापानका केन्द्रीय महासचिव समर बस्न्यात र उपसचिव तेज बहादुर चालिसे, एकता समाज जापानका अध्यक्ष यमलाल सापकोटा तथा गल्कोट समाज जापानका सदस्य एवंम वरिष्ठ सल्लाहकार जगत थापा लगायत उल्लेखनीय व्यक्तिहरुको सहभागिता रहेको थियो ।
वि.सं.२०७४ वैशाख ५ मंगलवार १०:२६ मा प्रकाशित