Logo
२५ श्रावण २०७९, बुधबार
     Wed Aug 10 2022
E-paper
  English Edition
   Unicode
Logo

साहित्यकार रामप्रकाशका २२ कृति एकैसाथ विमोचन



 

काठमाडौँ । साहित्यकार गुरुङ रामप्रकाश ‘समथिंग’ले लेख्नुभएका २२ वटा कृतिको शनिबार (१० बैशाख)  एकसाथ संयुक्तरुपमा विमोचन गरिएको छ ।

पाँचथर स्रष्टा मञ्चको आयोजनामा भएको कार्यक्रममा साहित्यकार वासुदेव त्रिपाठी, डा गोविन्दराज भट्टराई, डा तुलसी भट्टराई, डा राजेन्द्र सुवेदीलगायतले २२ वटा औपन्यासिक कृतिको संयुक्तरुपमा विमोचन गर्नुभएको थियो ।

कृति लोकार्पण गर्दै साहित्यकार त्रिपाठीले एकैसाथ २२ वटा कृति प्रकाशन गरेर लेखकले नेपालको साहित्य क्षेत्रमा ऐतिहासिक योगदान पु¥याएको बताउनुभयो । उहाँले कृतिहरू सामाजिक परिवेशमा लेखिएकाले समाजका लागि प्रेरणादायी हुने धारणा राख्नुभयो ।

कृतिमाथि समीक्षा गर्दै डा गोविन्दराज भट्टराईले लेखकले कसैले पनि गर्न नसकेको कार्य गरेको भन्दै उहाँले नेपाली साहित्यमा छुट्टै पहिचान बनाउन सकेको धारणा राख्नुभयो । उहाँले कृतिमा मानिस समाजमा कसरी घुलमिल हुन सक्छ भन्ने कुरा दर्शाइएको बताउनुभयो ।

कार्यक्रममा लेखकले कृतिहरू गाउँको परिवेशलाई आधार बनाएर सामाजिक र राजनीतिक विषयमा लेखिएको जानकारी गराउनुभयो ।

उहाँले कृतिहरू अघिल्लो पुस्ताका मानिसले गरेका राम्रा काम पछिल्लो पुस्तालाई सिकाउन ऐतिहासिक दस्तावेज हुने उल्लेख गर्नुभयो । उहाँले छ महिनाको समयमा ती २२ कृति लेख्नुभएको थियो । एउटा कृतिलाई सातदेखि १२ दिनसम्मको समयमा लेखिएको उहाँले जानकारी गराउनुभयो ।

‘भ्रष्टाचारको कमाल’, ‘सौतेनी आमा’, ‘धनीरामको दसैँ’, ‘बेसहरा’, ‘दुर्दशा’, ‘जनयुद्धको उपहार’, ‘जवानीको ज्वालामुखी’, ‘जँड्याहाकी स्वास्नी’, ‘महलदेखि सडकसम्म’, ‘विचरा ! जङ्गे कमरेड’जस्ता कृति रहेका छन् ।

यसैगरी, सोही कार्यक्रममा सहिद रत्नकुमार वान्तवा वाङ्मय पुरस्कार–२०७३ बाट साहित्यकार तथा पत्रकार सचित राईलाई पुरस्कृत गरिएको छ ।

रत्नकुमार वान्तवाबारे खोज, अनुसन्धान गरेबापत आँखा विकास पत्रिकाले राईलाई प्रदान गरेको नगद रु पाँच हजार पाँच सहित डा गोविन्दराज भट्टराईले पुरस्कृत गर्नुभएको हो ।

राईले ‘माङ्खिम’ कृतिमा वान्तवाको जीवनीबारे खोजअनुन्धानमूलक सामग्री लेख्नुभएको थियो ।

डा गोविन्दराज भट्टराईले ओझेलमा परेका वान्तवाका बारेमा खोज अनुसन्धान गरेर आफ्नो कृतिमा राईले सबैलाई सुसूचित गरेको बताउनुभयो ।

राईले वान्तवाले नेपालको राजनीतिक आन्दोलनमा खेलेको भूमिकाबारे आफ्नो कृतिमा उल्लेख गरेका थिए ।


यो खबर पढेर तपाईलाई कस्तो महसुस भयो ?

काठमाडौं । स्थानीय निर्वाचनमा जस्तै प्रदेश र प्रतिनिधिसभा चुनावमा पनि एमाले एक्लो हुने भएको

काठमाडौं । बझाङको बुङगल नगरपालिका ९ रारुमा एकै परिवारका तीन आमाछोरा र छोरी झुण्डिएको

काठमाडौं । सवारी चालक अनुमति पत्र (लाइसेन्स)को लागि लिइने परीक्षामा ७० अंक ल्याए पास

काठमाडौं । काठमाडौंको मुटु मानिने थापाथलीमा रहेको नर्भिक अस्पतालले एक रोपनी ८ आना १