Logo
२४ श्रावण २०७९, मंगलवार
     Tue Aug 9 2022
E-paper
  English Edition
   Unicode
Logo

फेसबुकको सहयोगमा खेलमैदान निर्माण



११ वैशाख,म्याग्दी । पछिल्लो समय सामाजिक सञ्जाल फेसबुकको दुरुपयोग बढिरहेको छ । तर सामाजिक सञ्जाल फेसबुकको सहायताले अर्थ सङ्कलन गरी म्याग्दीका एक गाउँका प्रवासीले भने व्यवस्थित खेलमैदान पुनःनिर्माण गरेका छन् ।

बेनी नगरपालिका–९ मा रहेको काउलेगौडा युवा क्लबको खेलमैदान पुनःनिर्माणमा प्रवासमा रहेका युवाले मात्रै आर्थिक स्रोत जुटाएका हुन् ।

मोना कतारका निवर्तमान अध्यक्ष गणेश श्रेष्ठको संयोजकत्वमा गठित आर्थिक सङ्कलन समितिले सङ्कलन गरेको रु चार लाख १५ हजारमध्ये खेलमैदानको ढलान र घेराबारमा रु चार लाख १० हजार खर्च भएको समितिले जनाएको छ ।

भलिबल खेलमार्फत क्लबले जिल्ला र राष्ट्रिय रुपमै पहिचान बनाउन सफल भए पनि व्यवस्थित खेलमैदानको अभाव भएकाले प्रवासमा रहेका स्थानीयवासीबाटै सहयोग जुटाएर खेलमैदानको मर्मत गरिएको आर्थिक सङ्कलन अभियानका संयोजक श्रेष्ठले बताउनुभयो ।

प्रवासमा रहेका स्थानीय युवाको सक्रियतामा सहयोग जुटाएर भलिबल कोर्टबाहेकको अन्य चारतर्फको खेलमैदानलाई ढलानसहित स्तरवृद्धि गर्दै घेराबारसमेत गरिएको क्लबका अध्यक्ष चिरञ्जीवी सुवेदीले जानकारी दिनुभयो ।

खेलमैदानको पुनःनिर्माण भएपछि खेलाडीलाई खेलकुदका गतिविधि गर्न सहज भएको छ भने स्थानीय सल्लेरी नरवृद्धि आधारभूत विद्यालयका विद्यार्थीलाई समेत खेल विकासको लागि सहजता मिलेको छ ।


यो खबर पढेर तपाईलाई कस्तो महसुस भयो ?

प्रेम, परियार नर्वे । प्रवासी नेपाली एकता मन्च नर्वेले आयोजना गरेको मैंत्रीपूर्ण टि –१०

काठमाडौं । काठमाडौं महानगरपालिकाका प्रमुख बालेन्द्र साहले थापाथलीस्थित नर्भिक अस्पताललाई २४ घण्टे निर्देशन दिएका

नवलपुर– पढाईमा उत्कृष्ट हुन थालेपछि नवलपुरमा निजी छाडेर सरकारी विद्यालय रोज्ने बढ्न थालेका छन्

काठमाडौं । पर्वतको जलजला गाउँपालिका धाइरिङ ७ मा विद्युतीय दुर्घटनामा परेर १ जनाको मृत्यु