काठमाडौं । अखिल नेपाल फुटवल संघ (एन्फा) का अध्यक्ष र महासचिवलाई बर्खास्त गर्न माग गर्दै ४९ सदस्यले साधारण सभा बोलाउन माग गरेका छन् ।
अध्यक्ष पंकजविक्रम नेम्वाङ र किरण राईको बर्खास्तीको माग गर्दै एन्फाका वरिष्ठ उपाध्यक्ष वीरबहादुर खड्कालाई निवेदन बुझाउँदै अध्यक्ष र महासचिवद्धयलाई बर्खास्त गर्न माग गरेका हुन् । उक्त निवेदनमा जिल्ला फुटवल संघ तथा महिला फुटवल संघ गरी ४९ साधारणसभा सदस्यले हस्ताक्षर रहेको छ ।
‘वर्तमान अध्यक्ष र महासचिवले नेपाली फुटबललाई धरासायी बनाउन उद्दत रहेको र सम्बन्धित व्यक्तिहरुलाई सो पदमा निरन्तरता दिँदा नेपाल फुटबल भविष्यमा नै अतुलनीय क्षति पुर्याउँछ भन्ने हाम्रो ठहर हो ।’ उक्त संयुक्त हस्ताक्षर रहेको निवेदनमा भनिएको छ ।
-->
