काठमाडौं । अभिनव साहित्य समाजको मासिक नियमित कार्यक्रमअन्तर्गत शनिबार मोतीजयन्ती, तीज विशेष, पुस्तक विमोचन तथा रचनावाचन कार्यक्रम विमल अर्याललको अध्यक्षतामा भैरव स्मृति भवन जोरपाटीमा सम्पन्न भएको छ ।
प्रमुख आमन्त्रित खोलाघरे साहिंलो, आमन्त्रित तिलकप्रसाद लुइँटल र रामबहादुर पहाडी रहेको उक्त कार्यक्रममा मेनका पोख्रेलले सहभागी सबैलाई मन्तव्यसहित स्वागत गरेकी थिइन् ।
कीर्तिशेष साहित्यकार मोतीराम भट्ट ,भैरव अर्याल र वासुदेव लुइँटेलहरूका तस्वीरमा सामुहिक माल्यार्पण गरेर आरम्भ गरिएको कार्यक्रममा कवि ओमप्रसाद कोइराला, रामचन्द्र दाहाल, ठाकुरप्रसाद, बद्रीप्रसाद सुवेदी, नारायण नेपाल, बाजुराम पौडेल, बुद्धिसागर पौडेल, राजेशमान केसीले कविता वाचन गरेका थिए ।
सो कार्यक्रममा कवि तथा गजलकार खोलाघरे साहिंलाको ‘पत्तासाफ’ गजलसंग्रह विमोचन गरिएको थियो भने कार्यक्रमको सञ्चालन अभिनव साहित्य समाजका सहसचिव शारदा पराजुलीले गरेका थिए ।
