काठमाडौं । नेपाल स्टक एक्सचेन्ज नेप्सेमा रिलायबल नेपाल लाइफ इन्स्योरेन्सको शेयर कारोबार सुचारु भएको छ । आज भदौ ३१ गते आइतबारको स्पेसन प्रि ओपन सेसनमा कम्पनीको पहिलो कारोबार भई मूल्य तय भएको हो ।
रिलायबलको पहिलो कारोबार प्रति कित्ता ४८६.६ रुपैयाँमा भएको छ । नेप्सेले रिलायबलको पहिलो कारोबारको लागि १६२.२९ रुपैयाँ देखि ४८६.८७ रुपैयाँसम्मको सुरुवाती रेन्ज तोकेकोमा ४८६.६ रुपैयाँबाट कारोबार सुरु भएको हो । यस सुरुवाती रेन्ज भित्रको जुनसुकै मूल्यमा पहिलो कारोबार हुन सक्ने व्यवस्था थियो ।
नेप्सेले रिलायबलको पहिलो कारोबारको लागि कम्पनीको नेटवर्थको ३ गुणासम्मको मूल्य तय गर्न गरेको छ । कम्पनीको आरएनएलआई सिम्बलबाट कारोबार सुरु भएको हो । गत बुधबार कम्पनीको ४ करोड कित्ता शेयर सुचिकृत भएको थियो ।
-->
