काठमाडौँ । हिमालयन बैंक लिमिटेडले भाद्र २७ गते बुधबारको दिन देखि डिजिटल भुक्तानी काउन्टर सुरु गरेका छ ।
बैंकले भद्रकाली स्थित सैनिक कल्याणकारी कोषद्वारा संचालित रिपुमर्दिनी पेट्रोल स्टेशनमा सञ्चालनमा ल्याएको हो । पेट्राल स्टेशनमा आउने ग्रहकहरुको सुबिधालाई मध्यनजर गर्दै बैंक र पेट्रोल स्टेशन बीच भएको सम्झौता अनुसार उक्त काउन्टर संचालनमा ल्याएको बैंकले जनाएको छ ।
बैंकका अनुसार पेट्रोल स्टेशनमा स्थापना गरिएको सो काउन्टरमा ग्राहकहरुले विभिन्न बैंकको मोबाइल बैंकङ्ग एपमा रहेको नेपाल पे क्युआर तथा सबै बैंकबाट जारी भएको एटिएम कार्ड मार्फत पिओएस मेसिनबाट सहजै भुक्तानी गर्न सक्नेछन् । भुक्तानी प्राप्त भए पश्चात् नै भ्वाइस मेसिन तथा एसएमएस मार्फत क्रेता तथा बिक्रेताले भुक्तानी सम्बन्धी जानकारी प्राप्त गर्ने छन् ।
बंैकका तर्फबाट बैंकका नायव प्रमुख कार्यकारी उज्वल राजभण्डारी तथा कोषको तर्फबाट कोषका सहायक रथि किरण केसीले एक समारोह बीच बंैक र कोषका अन्य उच्चपदस्थ कर्मचारीहरुको उपस्थितिमा उक्त डिजिटल भुक्तानी काउन्टरको संयुक्तरुपमा उद्घाटन गरेका थिए ।
