गोविन्द शाही,शुभ-कालिका २ राजबाडा कालिकोट
१.
हरेक सम्बन्धमा स्वार्थ देखे सजावट देखें,
लाखौं लाख कच्चा रंगहरुको मिलावट देखें
तर वर्षौं भयो मैले आमालाई हेर्न लागेको
न थकान देखें नत उनको मायामा गिरावट देखें ।
२.
होस् उनिहरुको ठुलै भलाई सफल बनाए
आगोको रापमा जलाई जलाई सफल बनाए
निकै गा¥हो थियो मनलाई पत्थर बनाउन
सहयोग गरि आफ्नाले मलाई सफल बनाए
३.
हानेर छुरा छर्केर नुन खुर्सानी खबर सोध्छन्
जलेर शरीर खरानी हुँदा’नी खबर सोध्छन्
आफै भत्काउछ्न अरुको खुसिको झुपडी ।
अझ पछि लाज न मानी खबर सोध्छन ।
४.
आए कति गए कति हिसाब राखिन
चाहाना बिनाको कुनै प्रगती हिसाब राखिन
आफ्नो सोच्ने मन हेरेर बसेकै छन जसो तसो
धन हेरेर टाढिने जति हिसाब राखिन ।
५.
सिके पनि कति हो कति केहि हुदैन
यो भन्दा ठुलो प्रगती केहि हुदैन
खेलेरै बित्यो बाल्यकाल किन भन्छौ मित्र
आमाले दिएको शिक्षा जति केही हुदैन ।
वि.सं.२०८० असोज ६ शनिवार ०७:०८ मा प्रकाशित
