काठमाडौं । अख्तियार दुरुपयोग अनुसन्धान आयोगले पशुपतिको मन्दिरमा रहेको सुनको जलहरी प्रकरणमा पशुपति क्षेत्र विकास कोषका तत्कालीन सदस्यसचिव प्रदीप कुमार ढकाल र कोषाध्यक्ष मिलनकुमार थापा सहित तीन जनाविरुद्ध मुद्दा दायर गरेको छ ।
पशुपतिनाथको मन्दिरमा सुनको जलहरी निर्माण गर्ने क्रममा उनीहरुले एक किलो ४९१.७१८ ग्राम सुन हिनामिना गरेको आरोप लगाउँदै त्यसबापतको १ करोड १७ लाख १ हजार ७८१ रुपैयाँ ८५ पैसा भ्रष्टाचार गरेको आयोगको आरोप छ ।
सुनको जलहरी निर्माण समितिको संयोजक तथा पशुपति क्षेत्र विकास कोषका तत्कालीन कोषाध्यक्ष तथा हालका सदस्य सचिव डा. मिलन कुमार थापाले सुनको जलहरि निर्माण समितिको संयोजक तथा पशुपति क्षेत्र विकास कोष संचालन परिषद्का तत्कालीन कोषाध्यक्षको जिम्मेवारीम रहि सुनको जलहरि निर्माण गर्दा प्रयोग हुने बहुमुल्य सुन लगायतका धातुहरुको उचित संरक्षण गर्नुपर्ने, सम्बन्धीत विषयमा ज्ञान भएको विज्ञ व्यक्तिसँग मात्र जलहरि निर्माणको कार्य अगाडि बढाउनुपर्नेमा सुन सम्बन्धी विषयमा इजाजत नलिएको अनाधिकृत व्यक्तिमार्फत् कालीगढको रुपमा काम लगाएको पनि अख्तियारद्वारा दायर आरोपपत्रमा उल्लेख छ ।
वि.सं.२०८० असोज १४ आइतवार १६:१२ मा प्रकाशित
