काठमाडौँ । वरिष्ठ पत्रकार याम शर्मा पौडेलको निधन भएको छ ।
७० बर्षको उमेरमा २०८० असौज १४ गते सांझ हृदयघातबाट काठमाण्डौमा निधन भएको हो ।
बिस २०२७ सालमा नेविसंघ स्थापना कालको प्रखर युवा, २०३३ मा विपी कोईराला नेपाल फर्कदा एयरपोर्टबाटै गिरफ्तार भै अढाई बर्ष जेल भुक्तान गरेका तरुण, २०३६,२०४२ र ०४६ मा भएका सबैखाले प्रजातान्त्रिक आन्दोलनका अभियन्ता शर्मा पर्वतको राजनैतिक आन्दोलनका एक धरोहर थिए । २०४०–२०४६ सम्म ’वार्तालाप’ साप्ताहीक पत्रिकाका संपादक प्रकाशक समेत रहेका उनले पत्रिकाको माध्यमबाट पंचायत बिरुद्धको जागरण संप्रेषण गरेका थिए ।
२०४७ पछिको खुला राजनीतिमा पनि बिपिको समाजवादी चिन्तनको अडानमा रहेको उनी ओझेल पारीएका पिड़ीत नेता र कर्मठ व्यक्तित्वका रुपमा स्थापित छन । पर्वत मिलन केन्द्र काठमाण्डौ, पर्वत सेवा समाज काठमाण्डौ जस्ता संस्थामा अभिभावकिय भुमिका राख्दै आएका शर्मा केहि बर्ष यता परीवारसंगै अमेरीका र नेपाल रहंदै आएका थिए ।
पर्वत फलेवासका पिता लक्ष्मीदत्त पौडेल र माता तील कुमारी पौडेलका सात दाजुभाई तथा पाँच दिदीबहिनी मध्ये उनी ठुलाकान्छा थिए । उनका भाई ख्याम शर्मा पौडेलका अनुसार उनको दाहसंस्कार २०८० असौज १७ गते पशुपति आर्यघाटमा गरीनेछ ।
वि.सं.२०८० असोज १५ सोमवार १७:२१ मा प्रकाशित
