काठमाडौं । स्वास्थ्य तथा जनसंख्या मन्त्रालयल दसैंलगायतका चाडपर्वमा स्वास्थ्यमा ध्यान दिँदै सेतो मासु, फलफूल, रेशादारलगायतका खानेकुरामा बढी जोड दिन आग्रह गरेको छ ।
चाडपर्वका बेलामा असन्तुलित खानपान तथा जीवनशैलीका कारण स्वास्थ्यमा समस्या आउने बताउँदै स्वास्थ्यमैत्री जीवनशैलीमा जोडदिन अनुरोध गरेको हो ।
त्यसैगरी मन्त्रालयले सार्वजनिक विदाका दिनहरुमा पनि अस्पपतालहरुमा आकस्मिक चिकित्सकीय समूह (इएमटी) आधारभूत आकस्मिक मेडिकल प्राविधिक (बिइएमटी) एम्बुलेन्स आदि तयारी अवस्थामा राख्न सम्बन्धीत सरोकारवालाहरुलाई निर्देशन दिएको छ ।
मन्त्रालयले स्वास्थ्य सम्बन्धी जानकारी चाहिएमा मन्त्रालयको हटलाइन नम्बर १११५ र ११३३ मा सम्पर्क गर्न समेत जानकारी दिएको छ ।
वि.सं.२०८० कात्तिक ३ शुक्रवार १५:०३ मा प्रकाशित
