हामी सबैकाे संसारन्यूज

काठमाडौं । भरतपुर महानगरपालिकाले जाजरकोट भूकम्प प्रभावितहरुका लागि एक करोड रुपैयाँ सहयोग गर्ने भएको छ ।
जाजरकोट र रुकुमका भूकम्प प्रभावितका लागि सम्पूर्ण जनप्रतिनिधिको १ महिनाको पारिश्रमिक तथा सुविधा, महानगरमा कार्यरत अधिकृतस्तरका कर्मचारीको ५ दिनको तलब, सहायकस्तरका कर्मचारीको ३ दिनको तलब, महानगरमा कार्यरत शिक्षकहरूमा मा.वि शिक्षकको ३ दिनको र आधारभूत तहका शिक्षकको २ दिनको तलब सहित महानगरले थप आन्तरिक स्रोतबाट व्यहोर्ने गरी रु १ करोड प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको महानगरकी मेयर रेनु दाहालले जानकारी दिएकी छन् ।

मेयर दाहालले थप अन्य सहायताका लागि छिट्टै नै सहायता सामाग्री सहित १ टोली भूकम्प प्रभावित क्षेत्रमा पठाउने निर्णय भएको जानकारी दिँदै भरतपुर महानगरभित्रका सम्पूर्ण पक्षलाई यस बिपदको घडीमा सहयोग कार्यमा जुट्न अपिल समेत गरेकी छन् ।