back

चालू आर्थिक वर्षका लागि पाकिस्तानको वैदेशिक ऋणको आवश्यकता २५ अर्ब डलर तोकियो

वि.सं.२०८० मंसिर ३ आइतवार

369 

shares

इस्लामावाद, पाकिस्तान । अन्तर्राष्ट्रिय मुद्रा कोष (आईएमएफ) ले चालू आर्थिक वर्षका लागि पाकिस्तानको वैदेशिक ऋणको आवश्यकतालाई ३.४ अर्ब अमेरिकी डलरले घटाएर २५ अर्ब अमेरिकी डलर कायम गरेको पाकिस्तानको अङ्ग्रेजी दैनिक पत्रिका द एक्सप्रेस ट्रिब्यूनले अधिकारीलाई उद्धृत गरी लेखेको छ ।

पाकिस्तानको अर्थ मन्त्रालय स्रोतका अनुसार आईएमएफले यस आर्थिक वर्षका लागि पाकिस्तानको मुद्रास्फीति प्रक्षेपण पनि २५.९ प्रतिशतबाट घटाएर २२.८ प्रतिशतमा झारेको छ ।

आईएमएफले चालू खाता घाटा (सीएडी), आयात, आर्थिक वृद्धि, मुद्रास्फीति र कूल वित्तपोषण आवश्यकताहरूको लागि वित्त मन्त्रालयको अनुमानलाई अस्वीकार गरेको छ ।

आईएमएफले यस वर्षको जुलाईको अनुमानको तुलनामा पहिलो समीक्षा वार्तामा यी सबै सङ्ख्याहरू समायोजन गरेको थियो । सबै बाह्य वित्तपोषण आवश्यकताहरूमा संशोधनहरू भर्न आवश्यक रकमको साथसाथै परिपक्व ऋणको पुनःभुक्तान र समष्टिगत आर्थिक अनुमानहरू यस हप्ताको तीन बिलियन अमेरिकी डलरको जमानत कार्यक्रमको पहिलो समीक्षाको क्रममा गरिएको थियो ।

द एक्सप्रेस ट्रिब्यूनका अनुसार आईएमएफले अघिल्लो ६.५ अर्ब अमेरिकी डलरको बेलआउट प्याकेजको असफलताको कारण बनेको आम चुनावको मिति तय गर्ने र केही महत्वपूर्ण आर्थिक क्षेत्रहरूलाई बेवास्ता गरेको छ ।

अन्तर्राष्ट्रिय मुद्रा कोषले विशेष लगानी सहजीकरण परिषद्का गतिविधिलाई पनि आफ्नो कार्यक्षेत्रमा ल्याएको छ ।

पाकिस्तानी अर्थ मन्त्रालयका प्रवक्ता कमर अब्बासीले यस विषयमा कुनै प्रतिक्रिया दिन चाहेनन् ।

आईएमएफले जुलाई २०२३ को तुलनामा चालू आर्थिक वर्षका लागि वैदेशिक ऋणको आवश्यकता २८.४ अर्ब अमेरिकी डलरबाट घटाएर २५ अर्ब अमेरिकी डलरमा झारेको छ ।

चार महिनामा सरकारले छ अर्ब अमेरिकी डलर ऋण लिइसकेको छ भने थप १२ अर्ब ५० करोड अमेरिकी डलर भुक्तिनीको अपेक्षा गरेको छ ।

द एक्सप्रेस ट्रिब्यूनका अनुसार पाकिस्तानलाई बाँकी १२.५ अर्ब अमेरिकी डलरको ऋण लेनदेन सुरक्षित गर्ने प्रयासको अतिरिक्त लगभग ६.५ अर्ब अमेरिकी डलर जमानतको आवश्यकता छ ।(रासस/एएफपी)

 

वि.सं.२०८० मंसिर ३ आइतवार १९:२४ मा प्रकाशित

‘नेपालबाट इन्डोनेशिया प्रवेश गर्दा स्टिकर भिषा अनिवार्य’

‘नेपालबाट इन्डोनेशिया प्रवेश गर्दा स्टिकर भिषा अनिवार्य’

काठमाडौँ । नेपाल हेर्ने इन्डोनेशियाको ढाकास्थित दुतावासले नेपालबाट इन्डोनेशिया प्रवेश...

गाजाबाट थप १२ बन्धक रिहा

गाजाबाट थप १२ बन्धक रिहा

गाजापट्टी (प्यालेस्टिनी अधिनस्थ क्षेत्र) । प्यालेस्टिनी बन्दीहरूको बदलामा थप बन्धक...

गाजामा युद्धविराम मध्यस्थता प्रयास जारी

गाजामा युद्धविराम मध्यस्थता प्रयास जारी

गाजा,जेरुसेलम । विद्यमान इजराइल–हमास मानवीय युद्धविरामलाई अगाडि बढाउन मध्यस्थता प्रयासलाई...

बङ्गलादेशमा ‘हिंसात्मक’ कारवाहीमा हजारौँ मानिस पक्राउ

बङ्गलादेशमा ‘हिंसात्मक’ कारवाहीमा हजारौँ मानिस पक्राउ

ढाका । बङ्गलादेश सरकारले आम निर्वाचनअघि ‘प्रतिस्पर्धा हटाउन’ का लागि...

विश्व बैंकद्वारा कम्बोडियाका लागि १६ करोड ३० लाख डलर सहयोग स्वीकृत

विश्व बैंकद्वारा कम्बोडियाका लागि १६ करोड ३० लाख डलर सहयोग स्वीकृत

नोम पेन्ह । विश्व बैंकले कम्बोडियाका चार प्रान्तमा पानी आपूर्ति...

इजराइल–हमास युद्धविराम र बन्धक रिहाइमा ढिलाइ

इजराइल–हमास युद्धविराम र बन्धक रिहाइमा ढिलाइ

जेरुसेलम । इजराइलले चार दिने गाजा युद्धविराम र बन्धकहरूको रिहाइ...